Одбележан Светскиот ден против дијабетес

Над 123 илјади лица заболени од дијабетис

Бројот на заболени од дијабетес во земјава изнесува 123.850, покажуваат податоците од електронскиот систем „МојТермин“ заклучно со 31 декември 2018 година, што е за 3.850 повеќе споредено со претходната година. Ова денеска го истакна претседателот на Националната комисија за дијабетес, Ирфан Ахмети, кој рече дека доминира возрасната група која е работоспособна од 40 до 65 години и таа изнесува повеќе од 50 проценти.

„Од вкупниот број заболени 40.000 се на инсулинска терапија“, рече д-р Ахмети пред почетокот на завршниот централен настан за одбележување на 14 ноември, Светски ден против дијабетес, што се одржа во организација на Сојузот на здруженија на дијабетичари.

На настанот присуствуваше и министерот за здравство Венко Филипче, кој рече дека во изминатиот период е направена многу значајна измена на Законот за паралелен увоз на лекови, со што во земјава се донесени оргинални инсулини со сертификат какви што се носат во сите развиени европски земји.

Освен тоа, посочи тој, воведоени се и три нови инсулини и два нови инсулински аналози инјектибилни и таблетарни.

„Со тоа значајно се подобрува квалитетот на третманот на дијабетесот. Со овие нови лекови се подобрува и кардиоваскуларниот ефект заради тоа што има многу поголемо влијание на кардиоваскуларниот систем. Во изминатиот период активно работевме со сите чинители кои имаат улога во овој процес во изготвување на новата десетгодишна стратегија за третман на дијабетес, која во себе содржи елементи кои ја подобруваат превенцијата, раното откривање на дијабетесот, соодветниот третман на ниво на секундарна и терциерна здравствена заштита. После носењето на оваа стратегија ќе почне ревитализација на сите центри за дијабетес ширум државата“, додаде Филипче.

Директорот на Универзитетската клиника за ендокринологија, Саша Јовановска Мишевска рече дека целта на Националната стратегија за дијабетес е намалување на бројот на новодијагностицирани лица, навремено дијагностицирање и адекватна и навремена терапија со цел да се спречат компликации: на срцето и крвните садови, како што се миокарден инфаркт, мозочен удар, на бубрезите кои водат до нивна терминална слабост со потреба од дијализа, на очите кои водат со слепило, циркулаторни компликации, компликации со нервите кои некогаш можат да донесат и потреба од ампутација на екстремитети. Таа изрази надеж дека од Националната стратегија ќе произлезе Акциски план.

Претседателот на Сојузот на здруженија на дијабетичари, Бојан Киров рече дека за нив најбитно било да почне процесот на усвојување на Националната стратегија за дијабетес во која се вклучени.

„Единствено нешто што и натаму ни е проблем се апаратите, кои не дека не се добри, но секогаш може да има подобри. Веруваме дека сето тоа ќе се усогласи со новиот буџет и со новите планови и програми кои ги развиваат во Министерството“, додаде Киров.

Одговарајќи на новинарско прашање во врска со барањето на родителите на деца со дијабетес 1 да се обезбедат сензори за континуирано мерење на шеќерот во крвта, за да не се боцкаат децата десет пати дневно, министерот Филипче рече дека неколку такви сензори се донираат на Детска ендокринологија за да се види како тој систем ќе функционира со оглед на тоа што сега правеле проекција на буџетите за следната година.

„Мислам дека за кратко време ќе кажеме со колкава сума пари располагаме за да ги донесеме тие најсовремени апарати за мерење шеќер во крв посебно за децата“, додаде Филипче.

На прашање кога ќе биде имплементирана Националната стратегија, рече дека е во завршна фаза и ги гледаат деталите кои треба да ги утврдат со здруженијата, со претставници на Клиниката за ендокринологија, со членовите на Комисијата за дијабетес во рамките на Министерството и на некоја од следните владини седници ќе ја стават во процедура.

Тоа што е многу поважно е дека се работи за ПРЕТХОДНА проверка, а не за post festum ветинг.

повеќе

Како што расте бројот на оние кои објавуваат непроверени, лажни и злонамерни информации, така се зголемува и бројот на медиуми кои работат со проверка на факти и се борат за вистината во јавниот простор преку одговорно истражување.

повеќе

Единствена работа за која ние граѓаните не плаќаме данок, е воздухот кој го дишеме.

повеќе