Реакција

Министерство за здравство: Портпаролот на ВМРО-ДПМНЕ треба јавно да се извини

Најостро ги демантираме лагите кои денеска беа изнесени од портпаролот на опозицискиата партија ВМРО-ДПМНЕ, а претходно објавени на социјалните мрежи од пратеник на истата партија. Ниту се одвивала, ниту се одвива илегална вакцинација, ниту што било поврзано со јавното здравје се прави на нетранспарентен начин. Вакцинирањето во Република Северна Македонија ќе почне во февруари. Водиме преговори за да обезбедиме вакцини по три механизми, Ковакс, директни преговори и преку солидарниот фонд на ЕУ, се вели во реакцијата на Министерството за здравство.

„Изготвен е оперативен план за вакцинација во кои се утврдени приоритетните групи, број на потребни вакцини, пунктови на кои ќе се врши вакцинацијата. Со ваквите манипулативни видеа, опозициската партија свесно сака да го потцени и оцрни трудот на здравствените работници, експерти во областа кои работат на процесот на вакцинација.

Бараме итно да се повлече видеото, а портпаролот и пратеникот јавно да се извини. Апелираме до јавноста да не ги зема предвид лажните информации. Од почетокот на ковид кризата точно, навремено и целосно транспарентно информираме и така ќе продолжиме. Ги повикуваме надлежните институции секоја злоупотреба или лажна вест да биде законски санкционирана затоа што на овој начин се вознемируваат граѓаните и се создава непотребна паника“, се вели во реакцијата на Министерството за здравство.

Формирањето на платформа за прекугранична соработка за борба против аерозагадувањето има потенцијал вистински да придонесе за намалување на загадувањето на воздухот во нашата земја.

повеќе

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе