ФЗОМ ги зголеми квотите за лекови за февруари

Фондот за здравствено осигурување на Македонија соопшти дека донел одлука за линеарно зголемување на квотите за дополнителни 12.000 денари за секоја здравствена установа – аптека, освен за апеките со максимална месечна квота од 650.000 денари за месец февруари.

Со оваа дополнителна мерка, се посочува во соопштението, Фондот обезбедува дополнителен износ од над девет милиони денари за месец февруари, што ќе придонесе за достапност на лекови на рецепт за осигурените лица во текот на месецот. Од Фондот информираат дека причините за оваа дополнителна мерка се сезонскиот грип, прогласената епидемија на морбили, како и значителната искористеност на квотата за месец февруари, заклучно со денешниот датум.

Ова линеарно зголемување ќе важи само за месец февруари 2019 година. Фондот продолжува внимателно да ги следи состојбите со достапноста на лековите на рецепт во аптеките, со цел осигурените лица да добиваат навремено и квалитетно обезбедување на лекови на рецепт, стои во соопштението.

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе