Во видеопорака

Филипче уверува: Вакцините за ковид-19 се безбедни, не подлегнувајте на лажни вести

Вакцините за коронавирусот се целосно безбедни, се развиваат на веќе проверени платформи и истите се единствен начин да ја победиме пандемијата, вели министерот за здравство Венко Филипче во денешното видео обраќање.

Тој информираше дека Владата ќе обезбеди доволен број на вакцини и преку Ковакс системот и преку понудата од ЕУ, а има и сѐ повеќе можности за директни договори со компаниите.

„Целта е да се вакцинира 60% до 70% од населението што е доволно да се создаде имунитет и да го победиме вирусот. Вакцините се развиени по безбедносни протоколи и процедури кои што компаниите за производство на вакцини години наназад ги користат. Благодарение на вакцините во светот се искоренети многу болести како паротитот, полиото и морбилите“, рече Филипче.

Тој предупредува да не се подлегнува на дезинформации и лажни вести во врска со вакцините и вакцинацијата.

„Сакам да ве уверам дека сите вакцини се целосно безбедни и секој еден граѓанин на кој што е индицирана вакцинација треба да ја прими оваа вакцина. Така ќе ставиме крај на пандемијата“, додава Филипче.

 

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе