Според последните анализи

Филипче: По британскиот сој не е детектирана друга мутација на вирусот

Во земјава се смирува епидемиолошката состојба со ковид-19 и по британскиот сој не е детектирана друга карактеристична форма на мутација на вирусот, изјави  министерот за здравство Венко Филипче, апелирајќи во пресрет на велигденските празници граѓаните да бидат совесни и да ги почитуваат мерките.

Одговарајќи на новинарско прашање, Филипче рече дека освен британската, кај нас не е детектирана друга мутација на вирусот.

„Меѓутоа, ако некоја друга мутација е проширена во европските земји, тешко ќе може да се спречи. И затоа повторно во прв план говориме за одговорноста на граѓаните, каква и да е мутацијата, колку и да е пренослив тој сој на вирусот, доколку се почитуваат мерките можни се добри резултати во спречување на ширењето. Во таа смисла нагласувам дека не е детектирана кај нас друга форма, освен британска, а тоа го покажуваат и последните анализи. Како и да е, остануваме на сегашните мерки, рече Филипче.

Во пресрет на велигденските празници и потоа на муслиманските празнувања, Филипче, потсети на средбите со верските лидери и на нивните апели и самиот ги повика граѓаните на голема внимателност .

„Тоа што сега се случува оди во насока на смирување на епидемиолошката ситуација, а можност за прекршување на мерките и препораките имаше и досега, има и натаму. При посетите во верски објекти, за време на масовните собирања можни се создавања на нови кластери на заразата. Мора сите да бидат свесни колку е важна личната и колективната одговорност и почитувањето на мерките и протоколите“, рече Филипче.

Според него, граѓаните мора да се свесни што треба, но и што не треба да се прави со цел епидемијата да почне да згаснува.

„Верските храмови, црвките и џамиите се отворени и ако секој не се придржува на мерките, се изложува на ризик да се разболи. Владата избира меѓу тешки рестрикции и целосно отворање или нешто помеѓу, но потребно е да се вклучат граѓаните со свои одговорни постапки и однесување. Во тоа е суштината“, рече Филипче.

Алчноста за максимизирање на површината на градење ја помина „црвената линија“. Градот полека ја сече гранката на која седи.

повеќе

Пристигна барањето од етничкиот албански фактор во политиката за тоа да има промена во химната, знамето и грбот на државата.

повеќе

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе