По препораката на Комисијата за заразни болести за хронично болните

Филипче: Најризичните категории и натаму остануваат заштитени

Министерот за здравство Венко Филипче, по препораката на Комисијата за заразни болести, хронично болните да се вратат на работа, а која нема да важи за лицата кои имаат извештај од специјалист за влошување на болеста, изјави дека кога го дискутирале тоа прашање разгледувале повеќе аспекти.

Филипче вели дека не се работи за ад-хок одлука, туку е резултат на дискусија која ја воделе на повеќе состаноци изминатите повеќе од три недели.

„Суштината е дека практично за сите економски оператори, за сите компании и сите организации има протоколи по кои се работи. Премногу е широка листата во наши услови на хронични болести, луѓе кои имаат практично сосема нормални животни активности и никако не се доведуваат во ризик доколку ги почитуваат протоколите на своите работни места. Во таа смисла е донесена одлуката да се даде препорака пациентите кои имаат дијагноза хронична болест и оние кои имаат малигни болести, практично да се вратат на своите работни места. Не одат на работа само тие кај кои лекарот специјалист ќе укаже дека има состојба што се вика егзацербација, односно влошување во рамки на хроничната болест и истата бара некаков акутен третман. Притоа и е дополнителен ризик по здравјето на пациентот. Тоа е препораката, оставаме на стручноста, експертизата на лекарите специјалисти да направат соодветна проценка“, објасни Филипче, одговарајќи на новинарско прашање по одбележувањето на десетгодишнината од именувањето на Градска општа болница „8 Септември“.

Според него, најризичните категории и натаму остануваат заштитени.

Во однос на препораката трудниците да бидат ослободени од работа, Филипче кажа дека тие се категорија за која сѐ уште нема доволно стручни сознанија како и дали вирусот можеби влијае на развојот на плодот и од претпазливост за нив се продолжува оваа мерка.

„Сметаме дека кај родилките е доволен ризик фактор пуштањето на останатите возрасни групи во градинките и за оваа категорија може да се почека, може да се обезбедат и средства преку Министерството за труд и социјална политика што ќе се трансферираат во Фондот за здравствено осигурување за исплата. Ова е категорија која и понатаму ќе ја мониторираме до Нова година, па ќе видиме како ќе биде состојбата“, рече Филипче и додаде дека дополнително во наредните денови ќе се дискутира и ќе се донесе одлука за родителите на деца до 10 години кои сега се ослободени од работа.

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе

Баталете ги овие глупости со Бугарија, а Османи нека си фати патот до Брисел да земе обрасци за членство во ЕЕО и нека ги пополнат брзо.

повеќе