Фајзер вакцините стигнуваат в понеделник преку Софија, во Белград ќе се договора партнерство со „Торлак“

До добивањето на вакцините на Фајзер во понеделник, на располагање има уште 10.000 вакцини од Астразенека, нешто помалку од 3.000 од Спутник и 1.000 кинески вакцини, информираше денеска министерот за здравство Венко Филипче.

За вакцините на Фајзер, Филипче кажа дека е потврдено дека ќе стигнат во понеделник, и тоа со авион до Софија, а попладне со специјален транспорт ќе бидат донесени во Скопје.

Што се однесува до процесот на вакцинација, тој изјави дека заклучно со вчера вакцинирани се 35.000 лица, од нив 13.000 ја примиле вакцината Астразенека, како и дека деновиве има поголема фрекфенција на закажување на вакцинација.  

Филипче најави дека во вторник идната недела претставници на Министерството за здравство ќе одат во официјална посета на Белград каде што ќе имаат средба со српскиот министер за здравство Лончар, но и со директорката на институтот Торлак и дека ќе разговараат за повеќе важни теми, вклучувајќи и стратешки план за набавка на вакцини во иднина. Според Филипче, сега не е потребна нова набавка на вакцини, но целта е Торлак да ни биде стратешки партнер во иднина, во зависност од тоа како ќе се одвива пандемијата.

Во однос на состојбата со болничките капацитети, тој кажа дека состојбата во болниците после мини притисокот во понеделникот е стабилна, нема голем неконтролиран наплив на пациенти и дека вчера и утрово имало доволен број слободни кревети.

Не треба толку да се грижиме за тоа дали се искачуваме на табелата, туку повеќе треба да внимаваме на тоа дали навистина се справуваме, истражуваме и ги гониме оние кои се занимаваат со корупција.

повеќе

Потребно е да се провери дали имало наредба за следење врз Камчев.

повеќе

Во чест на Меѓународниот ден на трудот, вреди да се разгледа состојбата со работничките права во државата, да се направи краток осврт на изминатата година и да се согледа што може да се направи за да се насочат работите кон подобро.

повеќе