Дел од клиниките се обезбедени со заштитни маски испечатени на 3Д принтери

Екипата на иницијативата за печатење медицинска опрема веќе работи со повеќе од 50 3Д принтери, а почна само со неколку. Планот е да се изработат најмалку 6.000 заштитни маски со визири во најкраток можен рок. Вчера беа доставени околу 500 маски во ЈЗУ урологија, ЈЗУ УГАК, Институт за трансфузиона медицина, ЈЗУ Гастроентерохепатологија, Клинички лаборатории, ЈЗУ Хематологија, ЈЗУ ОРЛ, ЈЗУ кардиологија, ЈЗУ неврологија, ЈЗУ неврохирургија, ЈЗУ радиологија, ЈЗУ онкологија, ЈЗУ пулмологија, ТБЦ институт, ЈЗУ дигестивна хирургија, ЈЗУ торакална хирургија, Општа болница Куманово и Итна помош Куманово.

„Покрај готови маски материјал за работа е испртен до сите помали производствени групи по градовите низ државата. Планот за текот на утрешниот ден е да се завршат сите јавни здравствени установи во Скопје и согласно со ресурсите да продолжиме и реализираме што повеќе Јавни здравствени установи низ цела Македонија. Во целиот процес нема да бидат изоставени и матичните лекари и колку што сме во можност ќе помогнеме и кај приватните здравствени установи“, соопштија од Иницијативата на фејсбук групата.