Бесплатна вакцина против сезонски грип досега примиле 9.815 граѓани

Вкупно 9.815 граѓани во Македонија примиле вакцина против сезонски грип со закажан термин преку матичен лекар, а од нив 2.103 се од Скопје, информираат од Министерството за здравство.

Вакцинацијата против сезонски грип, како што велат од Министерството, се одвива согласно утврдените планови, а во согласност со утврдените ковид протоколи за временска и физичка дистанца меѓу пациентите. Оттаму додаваат дека вакцини има за сите и дека секој петок од тековната недела се отвораат термини за вакцинација преку системот „МојТермин“.

За оваа сезона на грип се набавени 40.000 дози на четири типни вакцини против грип, наменети за бесплатна вакцинација на ризични групи, 12.000 повеќе од лани. Од Министерството апелираат граѓаните кои закажале термин за вакцинирање да се појават на пункт за вакцинација, а доколку се спречени, резервираниот термин да го откажат.

Бесплатна вакцинација против сезонски грип се врши на шест пункта на ЈЗУ Здравствен дом Скопје, како и во здравствените домови во Велес, Неготино, Teтово, Гостивар, Кичево, Охрид, Струга, Вевчани, Македонски Брод, Ростуше, Битола, Прилеп, Крушево, Ресен, Демир Хисар, Свети Николе, Радовиш, Струмица, Штип, Валандово, Куманово, Кратово, Крива Паланка, Берово, Делчево, Виница, Пробиштип, Пехчево, и Кочани. Вакцинација се врши и во општите болници во Гевгелија, Дебар и Кавадарци.

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе