МОН за почетокот на учебната година во услови на пандемија

Адеми: Најлесно во вакви случаи е да се определиме за онлајн настава, но преговорите продолжуваат

Министерот за образование и наука, Арбер Адеми на денешната прес-конференција рече дека се разгледуваат сите аргументи за тоа како најбезбедно и најпродуктивно да започне и да продолжи школската година од септември во услови на пандемија со ковид-19.

„Разгледани се сите аргументи. Вчера за ова прашање и за моделите дискутиравме и на седница на Влада, и се е со цел да се најде најсоодветниот модел . Има три модели. Првиот е организирање на настава со физичко присуство по посебни протоколи, вториот е онлајн настава и третиот е комбиниран начин од двата модели. Во МОН преовладува мислење дека треба да се организира настава со физичко присуство, но пред се треба да се води грижа за епидемиолошката состојба и условите во училиштата. Секаде каде тоа е можно, би требало да се организира ваква настава. Јасен е ставот на МОН, односно дека нема замена за наставата организирана со физичко присуство, но сепак треба да водиме грижа за здравјето на учениците, како и за епидемиолошката состојба", рече министерот Адеми.

Тој посочи дека во училниците мора да има физичка дистанца од најмалку 1,5 метри за секој ученик, како и почитување на протоколите.

„Оние училишта кои се пребукирани, треба да биде комбинирана настава, односно една група една недела да биде со физичко присуство, а во исто време на друга група да и се испратат снимени лекции кои ќе се споделат со оние кои не се на училиште. Ако би се одлучиле за физичко присуство, би се соочиле и со хронично болни деца и со други респираторни болести кои би можеле да ја следат наставата онлајн во реално време. Постојано сме во контакт со Комисијата за заразни болести и со Министерството за здравство. Нашиот ангажман е да се обезбеди најбезбедниот модел, водејќи сметка за здравјето на учениците. Најлесно во вакви случаи е да се определиме за онлајн настава. Би се определиле за онлајн настава само ако немаме друг избор. Консултациите ќе продолжат со сите засегнати страни и во наредните денови", нагласи Адеми.

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе