40-годишна жена и 9-годишно дете се во критична состојба по експлозијата во Романовце

Четириесетгодишната жена и десетгодишното дете кои се здобија со повреди при денешната експлозија што настана од плинска боца во кумановското село Романовце се во критична состојба. 

Пациентите во моментов се на лекување во ЈЗУ Универзитетска клиника по хируршки болести „Св.Наум Охридски”-Скопје, каде што е примена и бремена жена на возраст од околу 20 години.

„Некаде околу пладне со возило на итна медицинска помош донесени се тројца пациенти, од кои една жена на 40-годишна возраст, кај која уште при првичниот преглед е констатирано дека се работи за сериозни повреди, со голем процент на опеченост, околу 40-50 отсто, и веднаш е ставена на апарати за механичка вентилација во интензивна нега”, изјавил за МИА директорот на „Св.Наум Охридски”-Скопје и дежурен хирург Љубен Арсенков.

Според него, втората пациентка, на возраст од околу 20 години е бремена во седми месец, а првичната проценка било дека се работи за опеченост од 20-30 отсто била примена во единицата за интензивно лекување.

Арсенков информира дека бил повикан гинеколог, кој ја прегледал пациентката и во моментот на прегледот плодот бил добар.

„Со пациентката следат натамошни обработки на раните. Жената има изгореници некаде околу 20 до 30 отсто по површината на телото и моментов е во операциона сала на адекватна обработка, а потоа таа ќе се врати во интезивна нега”, вели Арсенков.

Третиот пациент е дете на 10-годишна возраст.

„Првично примено поради немање место во интезивна, во шок соба. При првиот преглед детете беше свесно ориентирано, проценката беше дека се работи за помал процент на опеченост. Меѓутоа, откако се внесе во сала за адекватна обработка на повредените делови од телото, се воочи дека и кај детето се работи за изгореници од втор степен со зафатеност на површина на телото од 60 до 70 проценти”, рече Арсенков.

Тој додаде дека децата се со посебна специфика и големата површина на опеченост кај нив, во однос на прогнозата за преживување е посериозна и треба повнимателно да се третира.

Три деца починаа, а седум се повредени по експлозија на плинска боца во семејна куќа во кумановско Романовце. Од вкупно седумте пациенти кои се здобија со изгореници, четворица се во тешка состојба со висок степен на изгореници. 

Благодарејќи на коронавирусот, граѓаните го видоа вистинското лице на  оваа натприродна организација, наречена државна администрација. Алчна, себична, несолидарна, нечувствителна.

повеќе

Солидарноста е единствениот начин за надминување на оваа криза.

повеќе

Ама бидејќи капиталисти со ситни души ја владеат земјава јас и ти ќе плаќаме, коментираат бизнисмените.

повеќе