Не бил вакциниран

22-годишното момче од Битола почина од ковид за само шест дена

22-годишниот битолчанец кој почина од ковид-19 не бил вакциниран и како коморбидитет имал прекумерна тежина, а починал само шест дена од позитивниот тест и потврдата дека е заразен.

„Пациентот бил лекуван во Клиничката болница Битола, позитивен на ковид-19 од 09.10.2021. Прв пат се јавил на преглед на 10.10.2021 на Инфективното одделение во Битолската болница, а според лекарскиот извештај, пациентот бил без знаци за пневмонија, имал температура и му била препишана терапија за дома“, велат од Министерството за здравство.

Момчето било на лекарски преглед и на 11 октомври, а за следниот ден му биле закажани контролни анализи.

„На 12.10. поради влошување на РТГ наодот и лабораториски анализи, пациентот бил хоспитализиран. Во лекарскиот извештај е наведено дека пациентот бил ставен на кислородна поддршка и му била дадена соодветна терапија. Кај пациентот дошло до прогресивно влошување на состојбата и починал на 15.10.2021“, додаваат од Министерството за здравство.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе