Образование и здравство

Oфицијалните претставници на компанијата „Глаксо Смит Клајн“, чиј производ е вацината за морнили го увериле Министерството за здравство дека е добар и квалитетот е согласно нивните стандарди, потврден со испитување во европски лаборатории, какви што има само неколку во цела Европа и е истата вакцина која практично се користи во сите земји на ЕУ, изјави денеска министерот за здравство Венко Филипче.

Редовно да се зема пропишаната терапија и во случај на настинка и потешкотии на дишењето да се направи консултација со матичен лекар, да се пијат топли напитоци, да се избегнува алкохол, да се јаде доволно, бидејќи тоа ја одржува температурата на телото, а невакцинираните да се вакцинираат против сезонски грип особено тие на возраст над 60 години и хронично болните, се дел од препораките за заштита на здравјето на населението од студени бранови и студено време во зимскиот период согласно Акцискиот план за превенирање на неговите штетни влијанија врз здравјето, што го изготви Министерството за здравство.

Уште пет деца и еден возрасен се хоспитализирани денеска до 10 часот на Клиниката за инфективни болести и фебрилни состојби во Скопје со клиничка слика на морбили (мали сипаници). Во моментов има 20 болни од морбили, од кои 18 се деца и двајца возрасни, соопшти Министерството за здравство.

Oд почетокот на вакцинацијата против сезонски грип на 5 ноември 2018 година, до првата недела од јануари, вакцинирани се 19.942 лица со бесплатни вакцини против сезонски грип, односно 71,2 отсто од вкупниот број на набавени вакцини. Во однос на комерцијалните вакцини, согласно достапните податоци од центрите за јавно здравје/подрачните единици, вакцинирани се 19.322 лица, се наведува во извештајот што на својата веб страница го објави Институтот за јавно здравје.

Во текот на изминатата недела (од 31 декември до 6 јануари) во Република Македонија се регистрирани 196 заболени од грип, што е намалување за три отсто, споредено со неделата пред неа, кога беа регистрирани 202 случаја, се наведува во извештајот што на својата веб страница го објави денеска Институтот за јавно здравје. 

Министерот за здравство Венко Филипче објави на Фејсбук дека ја вакцинираше внуката Илина, во обид да ја охрабри македонската јавност, а особено скептиците и заговорниците против имунизацијата.

Владата на денешната прва седница во 2019 година ја прифати и информацијата за потребата од задолжителна инклузија на децата со лесна попреченост во редовните училишта во Република Македонија.