Независен синдикат на затворската полиција

НСЗП: Бараме да влеземе во категорија на луѓе со нормални примања во оваа држава

Додавање бодови во пресметката на плата на затворски службеници со средно образование, проценти на овластувања и ризик на работа, како и пензионирање со ефективни 30 или вкупно 40 години стаж со 80 проценти од најдобрите десет години, се дел од одредбите кои од Независниот синдикат на затворската полиција (НСЗП) бараат да бидат опфатени во новиот Предлог-закон за извршување и санкции.

Претседателот на синдикална организација на КПУ Затвор-Куманово, Иво Јордановски на денешната прес-конференција рече дека нивните барања се ништо повеќе од тоа да бидат изедначени со колегите од Министерството за внатрешни работи, но дека регулирањето и изготвувањето на новиот закон се одложило до недоглед. 

“Конечно да го затвориме тоа и ние да влеземе во категорија на луѓе со нормални примања во оваа држава. Досега затворската полиција беше дно на сите дна, недефинирани по никоја основа. Ние сме овластени службени лица без овластување. Земаме плата од 14-15 илјади денари, со ноќни и прекувремени саати, ако стигнеме до 20 илјади денари“, изјави Јордановски.

Кажа дека на 7 август доставиле официјално барање до Министерството за правда, за да бидат повикани на финалното уредување на Законот за извршување на санкции, но дека се уште чекаат одговор.

Претседателот на Затворската полиција и администрација Горан Ристески, посочи дека на ниво на Македонија за погрешната пресметка на плата во минатото имаат над 900 тужби.

„Тужбите се добиени. Имаме одлуки и од Стразбур. Тие се однесуваат погрешни проценти за работа ноќе, работа во ден, за неделен одмор, прекувремени саати, бонус плата за остварени над 190 часа во работната година, како и за степенот на сложеност“, рече Ристески.

Посочи дека според статистиката, од пред две години на осум осудени лица, во просек има еден вработен.

„Од тогаш до денеска по основ на пензионирање и заминување од лични причини заминаа голем дел на вработени. Процентуално најмалку околу 20 отсто. Пример во Ирска на вкупно 800 осудени лица има 600 вработени, додека кај нас има установи со 2.000 осудени лица и околу 200 вработени. Тоа е во најголемиот затвор во Идризово“, изјави Ристески.

Независниот синдикат на затворска полиција има членови во девет од 12 затвори низ Македонија. 

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе