Се отстрануваат буквите

Натписот „Александар Велики“ заминува од зградата на скопскиот аеродром (ФОТО)

Службите денеска започнаа да ги отстрануваат буквите од натписот „Александар Велики" кој стоеше на заградата на скопскиот аеродром. Со тоа почна да се спроведува одлуката на Владата за преименување на аеродромот во Скопје. Откако натписот ќе биде целосно отстранет, на таблата ќе се изврши замена со букви за новото име.

Владата на 4 февруари донесе одлука да го преименува скопскиот аеродром „Александар Велики. Новото име ќе биде Меѓународен аеродром Скопје.

Се менува и името на автопатот „Александар Велики" во „Пријателство".

Промената на името на аеродромот и автопатот беше најавено од премиерот Зоран Заев на 24 јануари по средбата со грчкиот премиер Алексис Ципрас на Светскиот економски форум во Давос.