Случај „Тенк“

На 23 мај Груевски ќе ја чуе првата судска пресуда за постапките на СЈО

За 23 мај судијката Добрила Кацарска го закажа соопштувањето на одлуката за случајот „Тенк“ во кој на поранешниот премиер, Никола Груевски и на поранешниот помошник министер, Ѓоко Поповски им се суди за нелегалната набавка на луксузниот мерцедес. По неколкучасовното рочиште во кое завршен збор дадоа СЈО, обвинетите и нивните адвокати судот одлучи пресудата да ја закаже за следната недела.

Ова е прва пресуда за поранешниот премиер Груевски за постапките кои против него ги води СЈО.

Поранешниот премиер на Република Македонија Никола Груевски во завршните зборови за случајот „Тенк", посочи дека во предметот е обвинет за сакање.

-Сум сакал да се набави блиндирано возило бидејќи сум сакал да се возам во него. Сум остварил корист оти ме возеле, не во една туку во друга кола, од истата марка. Генерации на наши потомци ќе се чудат за што бил обвинет поранешниот премиер, пред да разберат дека станувало збор за политички прогон, истакна Груевски.

Тој додаде дека ниту во изведените докази за кои што се тврди дека преставуваат наводни аудио снимки помеѓу мене со некои трети лица, ниту во било кои докази не произлегува дека побарал од Гордана Јанкуловска да се изврши службено десјствие што не би требало да се изврши и тоа да се изврши јавна набавка во која МВР ќе купи ново блиндирано патнчко возило од марката Мерцедес модел С 600 Гард така што во постапката да се фаворизира економскиот оператор МАК АУТОСТАР Дооел Скопје-генерален застапник и дистрибутер на возилата од марката Мерцедес во РМ.

Претходно СЈО побара осудителни пресуди за двајцата обвинети. 

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе