Анима Мунди со реакција

Кривична пријава за политичарите кои се фотографираа со убиените диви свињи во „Јасен“

Од невладината организација „Анима Мунди" најавија кривична пријава за лица, меѓу кои и политичари кои се фотографaa со убиените диви свињи во националниот парк „Јасен", а потоа со фотографиите се пофалија на социјалните мрежи. Од таму се повикуваат на „Законот за ловство“ и велат очекуваат најстрога казна за прекршување на периодот за ловостој над дивите свињи.

„Амбиент од штотуку масакрирани 57 интелигентни и свесни живи битија, мирис на крв е нешто што предизвикува на секој нормален човек да му се згади. Но не и на наоружани до заби насилници умствено заглавени некаде таму во пештерско доба, кои во убивањето и смртта на послабите доживуваат своевидна екстаза, чувствуваат доминација и сила; задоволство – нас не би не чудело – слично на онаа при сексуално доживување. Довчерашните високи политичари не се сликани како уживаат во природа бидејќи очигледно тоа им причинува далеку поскромно задоволство; фотографирани се со убиени животни кои живееле во оградена површина, без моќ да се заштитат и избегаат; кои биле убиени од забава како лесен плен и за чија хајка и смрт горенаведените имале пари да платат", велат од „Анима мунди".

Во соопштението се додава дека цивилизиран човек е само оној кој има почит кон сите живи битија, а не оној кој ги деградира нивните живеалишта, им упаѓа во животната и природна територија, наоружан до заби се сили и убива.

„Ако го сметаат ловот за натпревар, спорт, ние би ги пуштиле голи и боси да се снајдат во шума. Сеедно дали умира човек или животно, самиот процес на убивање, страдањето, стравот се секогаш идентични. Слични на ловџиите се и сериските убијци кои се возбудуваат и вака го сликаат својот човечки плен. Да се знае – насилниот облик на однесување кај ловџиите е очигледно аномалија, грешка на природата, затоа што ниту едно друго битие, вклучително доминантните месојадни животински видови не убиваат од забава", се додава во соопштението.

Тие прашуваат до кога Македонија ќе толерира и заработува од, како што велат, најбрутална експлоатација на природата?

„До кога ќе бидеме омилена дестинација за убивање на илјадници ловџии кои кај нас доаѓаат и масакрираат животински видови кои во нивните матични држави се најстрого заштитени со закон", пишува во соопштението.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе