Осомничениот во „Империја“ ја напушти државава

Камчев доби времен пасош, го искористи да отпатува на првенството во Келн

Македонскиот бизнисмен Орце Камчев осомничен за случајот „Империја" доби времен пасош и со него замина за Келн каде беше виден на европското првенство. Од Основниот суд Скопје 1 потврдија дека за Камчев во моментов има само мерки на претпазливост, и дека му била дадена дозвола за издавање на пасош.

Од СЈО пак, велат дека до нив бил испратен предлог за издавање на времен пасош на Камчев и дека тие дале позитивно мислење. Од таму дополнуваат дека, по ова не биде известени од судот дали му е издаден пасош и дека од медиумите дознале дека осомничениот во „Империја" е надвор од државата.
„На 2 мај до СЈО е стасан предлог за дозвола за издавање на времен пасош и од кај нас е даден позитивен одговор. Судот по ова не достави известување до нас дали му е издаден пасошот", велат за МКД.мк од СЈО.

Од Основниот суд Скопје 1 на прашањето под кои околности на Камчев му е издаден овој пасош, ни одговорија дека судијата на претходна постапка кој го издал решението е на одмор и дека не можат да знаат како е издадена дозволата за времен пасош.

На 4 март со одлука на Врховниот суд од куќен притвор беа пуштени Орце Камчев, Цветан Панделески и Ненад Јосифовиќ, осомничени во големата истрага на СЈО „Империја".

Пасошите на Камчев, Јосифовиќ и Панделески се во Основниот суд Скопје 1 и тие засега остануваат како мерки за обезбедување присуство.

Покрај овие четворица, во „Империја" осомничени се и мајката на Орце, Ратка Куноска-Камчева, неговата сестра Кристина Камчева-Стојческа, Владислав Стајковиќ, Зорица Арсовска, Јованче Тасковски, Дејан Јанев, Лилјана Гајдовска, Тодор Мирчевски и Ванче Мијалчев.

Кина му дава на регионот нова надеж додека сонот за ЕУ се распаѓа, вели Политико.

повеќе

Северна Македонија стана кандидат 9 години пред Албанија и нема ништо лошо побрзо и да оди напред.

повеќе

Сега, додека балканскиве политичари ќе шетаат низ духовноста како волови во свила - каде им се врвните интелектуалци што би внеле елеганција во совладување на споровите?

повеќе