И официјално

Јанева на боледување, дијагнозата тајна

Специјалната јавна обвинителка, Катица Јанева е на боледување. Според официјални информации потврдени од СЈО, Јанева боледувањето го отворила на 16 јули, 2019, односно ден откако ја поднесе оставката. Дијагнозата поради која Јанева го отворила боледувањето е тајна, а не се знае ниту до кога завршува, односно местото за датум до кога е на боледување е отворено. 

Обвинителката Јанева неколку дена не оди на работи и некој од СЈО не се чул, ниту контактирал со неа откако и беше одземен мобилниот телефон пред неколку дена.

Обвинителката Лиле Стефанова завчера во изјава за медиумите рече дека Јанева ги потпишува сите документи кои излегуваат од СЈО, но таа сега не оди на работа.

Од СЈО денес ни одговорија дека формално-правно овластени сега да ги потпишуваат документите во периодот која Јанева е отсутна се обвинителките Ленче Ристовска и Елизабета Јосифовска.

Јанева, која беше на чело на СЈО од септември 2015., се повлече од функцијата два месеци пред истекот на мандатот, кој и завршува на 15 септември. Таа во речиси сите јавни настапи досега велеше дека нема намера да се повлече од функцијата се до завршувањето на мандатот, а најавуваше и дека планира повторно да се кандидира.

 К.Д.

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе

Без оглед на политичката заднина на случајот за изнудување, владата во Скопје мора да се фокусира на темелна истрага наместо на ограничување на штетата.

повеќе