ОПШТИНАТА НЕМА РЕШЕНИЕ ЗА ДЕПОНИЈАТА

Гори тетовската депонија, ветерот го отежнува гаснењето на пожарот

Депонијата на влезот во Тетово од утрово повторно е запалена. И овој пат не се знае што е или кој е причинителот на овој пожар. Јавното комунално претпријатие на Тетово оваа депонија ја користи како претоварна станица за сметот што се собира од градот.

Од градот се гледа густ, црн чад, а екипи на тетовската територијална противпожарна единица интервенираат во обид да го изгаснат огнот од запалениот смет.

Граѓаните се жалат дека неподносливата смрдеа и чадот што се чувствува насекаде низ Тетово.

Огнот се шири кон силосите за жито на „Жито Полог“, а според градоначалничката на Тетово, Теута Арифи за неколку часа ќе се знае дали екипите на територијалната противпожарна единица ќе успеат да го изгаснат пожарот или ќе биде потребна помош.

Во гаснењето на пожарот биле ангажирани четири цистерни, а ветерот ги усложнувал условите за негово локализирање.

Од општината на неколкупати најавуваа дека овој простор ќе се расчисти од смет и оти веќе нема да се користи како претоварна станица.

Теута Арифи, градоначалничката на Тетово неодамна изјави дека за оваа намена со ребалансот на буџетот имало 12 милиони денари. По расчистувањето на целиот простор и дезинфекцијата, тука е планирана изградба на станбени и индустриски објекти.

Фотографии од социјални мрежи

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе