Заев: За побрзо санирање на последиците од кризата товарот треба да го понесeме сите заедно

Мерките што ги понудивме до Владата за справување со економските последици предизвикани од ширењето на коронавирусот се сериозни мерки, но се неопходни. Граѓаните мора да ја знаат вистината и да знаат што нѐ чека. Сите заедно треба да го понесеме товарот за побрзо да ги санираме последиците и да ја превродиме економската криза, порача лидерот на СДСМ Зоран Заев.

Ќе бараме кредити, рече тој, но граѓаните треба да знаат дека големите кредити ги повлекоа големите земји.

„Малку се парите. Дел од кредитите ќе ја санираат состојбата, но, дел товарот солидарно треба да го понесеме. Мора да ги поддржиме работниците, економијата и фирмите затоа што што доминантно тие го полнат Буџетот, доминантно тие го креваат и развиваат БДП и обезбедуваат плати, плаќаат даноци и го генерираат развојот на земјата. Во такви околности мора да има рамномерна распределба на товарот кој треба да се понесе“, рече Заев.

Според него, граѓаните треба да знаат оти очекувањата на наплатата на приходите се помеѓу 30 и 40 отсто.

„Тоа значи ќе фалат околу 60 отсто, 30 отсто ќе надоместиме ако обезбедиме кредити повеќе од 1 милијарда и 200 милиони, а во моментов ни нудат не повеќе од 600 милиони. Еве и да обезбедиме 1 милијарда, останатите 30 отсто мора да кратиме и да штедиме на сѐ што не задира во приватната потрошувачка или во јавната потрошувачка. Веќе се кратат сите непродуктивни трошења и средства кои одат надвор од државата, тоа се околу 7 милијарди денари и е малку, ако се знае дека 30 отсто од Буџет од 4 милијарди е 1 милјарда и 300 милиони денари. Мора да знаеме дека товарот треба да го понесеме сите и оти колку побрзо го сфатиме тоа толку поуспешно и поефикасно ќе се справиме во кризата“, рече Заев.

Тој уште преудупреди дека ако не се направи таква поделба на товарот за да се скрати периодот на справување со кризата, треба да бидеме подготвени на сѐ.

 

Ама бидејќи капиталисти со ситни души ја владеат земјава јас и ти ќе плаќаме, коментираат бизнисмените.

повеќе

Овозможувањето континуитет на стопанството треба да биде на прво место во агендата на Владата, бидејќи закрепнувањето на економијата ќе дојде токму од приватниот сектор.

повеќе

Светот првично се соочи со кризата предизвикана од коронавирусот на некоординиран начин, при што огромен број држави едноставно ги игнорираа предупредувањата и настапуваа самостојно.

повеќе