На самитот организиран од „Економист“

Заев очекува да се тргне бугарската блокада и тоа да влијае позитивно на целиот регион

Премиерот Зоран Заев смета дека за 50 проценти ќе се зголемат шансите за тргање на бугарската блокада кон нашата земја, откако ќе завршат изборните процеси во Бугарија и во Македонија. Тој верува дека има решение за проблемот до крајот на годината и дека тоа ќе оддекне позитивно во регионот.

„Решението меѓу Северна Македонија и Бугарија ќе биде силна порака за охрабрување за целиот Западен Балкан, бидејќи и тоа што се случува во Црна Гора, Косово или на други места, има влијание врз сите други. Верувам дека постои решение и имам искуство во изнаоѓање многу решенија во изминатите четири години. Лично верувам дека до крајот на оваа година е можно решение“, изјави Заев на отворањето на Самитот за Западен Балкан на „Економист", што се одржува хибридно денеска во Скопје.

Одговарајќи на прашање од регионалниот директор на „Економист" за Европа Џоан Хоеј, за бугарското вето и дали добиле уверувања од ЕУ дека јазикот и историјата нема да бидат предмет на преговори, Заев рече дека по тоа прашање ЕУ ја потврдила важноста и вредноста дека и отворените прашања се билатерални прашања меѓу нас и Бугарија, и имајќи го на ум нашиот идентитет и јазик и ЕУ е многу јасна и прецизна по тоа прашање.

„Секој има право на самоопределување и тоа е многу добро. Се разбира, неодамна видов и многу позитивни сигнали од Бугарија. Тие го разбираат тоа и кога зборуваме едни со други, дури и заедно на прес-конференции тие велат македонски јазик и македонски луѓе, меѓутоа официјално не го признаваат и се надевам дека и тоа ќе го решиме набрзо“, изјави Заев.

Разбирам, рече премиерот, зошто политичарите не може да ветат решенија, на пример до крајот на годината, затоа што во меѓувреме се случуваат избори.

„Но продолжуваме да работиме. Продолжуваме по нашиот пат, прво со пријателство, преку кое што ќе добиеме многу. И двете земји сме членки на НАТО, а минатата година ЕУ донесе одлука за почеток на преговорите. Ние сме горди со се што се случува и покрај тоа што имаше пандемија“, изјави Заев.

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе