Заев-Колер: Резултатите на социјален и економски план се добар аргумент за преговорите со ЕУ

Резултатите на социјален и економски план ќе бидат добар аргумент и за пристапните преговори со ЕУ, особено за поглавјето 19 кое се однесува на социјалната политика и вработувањето, е оценето на денешната средба на помошник генералниот директор на Меѓународната организација на трудот (МОТ), Хајнц Колер со премиерот Зоран Заев и министерката за труд и социјална политика Мила Царовска.

Владината прес- служба информира дека на средбата се поздравени позитивните политички промени по Договорот од Преспа, што резултирало и со резултати во економско-социјалната сфера.

„Република Северна Македонија стана надежна земја во регионот. НАТО интеграцијата е почната. Очекуваме, во јуни, отворање на преговорите со ЕУ. Тоа за нашата држава значи стабилност и безбедност, но значи и подобрување на начинот на живот на граѓаните. Посветени сме на програми за зголемување на животниот стандард, што сега, поради позитивната клима во државата, има услови да се реализираат. Нашата цел е мотивирани работници и мотивирани граѓани. Очекуваме да ја постигнеме целта што си ја поставивме, а ја ветивме и на граѓаните, развој на државата на социјален и на економски план“, истакнал Заев.

На средбата се разгледани можностите за помош и размена на искуства од МОТ во делот на стекнување вештини и подобрување на вештините за работа на работниците. Разговарано е и за значењето на конференцијата што ја организира МОТ во јуни во Женева на која се очекува да присуствуваат  претставници на високо политичко ниво од земјите од ЕУ.

Толку убава, чиста земја, богата со шуми, планини и природни ресурси ја претворивме во Мордор.

повеќе

Сè повеќе се зборува за диверзификација на приходите, наместо фаворизирање само еден извор на финансирање.

повеќе

Пранкот врз премиерот го откри „гангот" кој управува со државата.

повеќе