За еколошка такса и за намалување на ДДВ за струјата уште нема владина одлука, вели Бесими

Владата сè уште нема донесено одлука за воведување на еколошка такса и за намалување на ДДВ-то за струјата, но се прават сеопфатни анализи во однос на владината еколошка агенда за зелена транзиција, инвестирање во обновливи извори на енергија и создавање на еколошки фонд, вели министерот за финансии Фатмир Бесими.

„Не се работи за зголемување на акцизи, туку за еколошки такси, меѓу кои се опфатени и нафтените деривати. За оваа мерка Владата сè уште нема донесено одлука. Тоа е агенда усвоена во ЕУ, тоа е Париската агенда за зелен раст, а исто така и делот на зелената агенда на Западен Балкан што минатата година во октомври исто така беше усвоена и препорачана од страна на ЕУ. И ние сме ја прифатиле како Влада. Откако ќе се направат сеопфатни анализи, ќе следат консултации со стопанските комори, како и со другите чинители кои се засегнати со оваа мерка, а потоа ќе донесеме одлука. Исто ќе постапиме и во однос на намалувањето на ДДВ-то за струјата. Ние ги следиме трендовите и барањата на граѓаните, а по анализите и дискусиите со опфатените со мерката, ќе донесеме одлука“, рече Бесими, одговарајќи на новинарско прашање дали со ребалансот на Буџетот е предвидено воведување на еколошка такса од четири денари и намалување на ДДВ-то за струја од 18 на пет проценти и како тоа ќе се одрази на Буџетот.

Тој не потврди дали овие мерки ќе се најдат во ребалансот на Буџетот и ќе почнат да важат од 1 јули.

„Сѐ уште немаме донесено одлука на Влада“, потенцира Бесими.

Во однос на големината на јавниот долг и дали тој до крајот на годината ќе изнесува 64 отсто од БДП и ќе достигне осум милијарди евра, Бесими рече дека до крајот на годината се предвидува државниот долг да биде 52,3 отсто од БДП, а јавниот долг 62,4 отсто.

 

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе