Во Тетово ќе произведуваат електрични возила, објави Владата

Владата денеска одлучи да даде согласност на Договорот за доделување на државна помош склучен помеѓу Владата, застапувана и претставувана од Дирекцијата за технолошки индустриски развојни зони и „Некст.е.Го Мобиле“.

Како што соопшти владината прес-служба, мултимилионската инвестиција од Некст.е.Го Мобиле СЕ, Ахен, Германија во ТИРЗ Тетово ќе отвори 3-4.000 нови работни места.
„Ова е за првпат во автомобилската индустрија кај нас да се продуцира целосен автомобил и се разбира за првпат ќе се произведуваат електрични автомобили.
Придобивките од оваа инвестиција се многукратни - од отворање на нови работни места, извоз на производи со голема додадена вредност, пренос на знаење и технологии, мапирање на земјава кај странските инвеститори во оваа фела, до договори и дополнителна работа за локални компании“, пишува во соопштението.
Претходно првиот вицепремиер Артан Груби објави дека ќе се произведуваат електрични возила со Next e.Go Mobile во Тетово, а инвестицијата ќе биде 720 милиони евра.

„На годишнината од Охридскиот мировен договор, во сабота на 13 август ќе поставиме камен-темелник на новата фабрика со современа технологија за производство на електрични возила во Технолошко-индустриската развојна зона во Тетово.

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе

Доколку чувствуваме дека нашиот труд ќе биде награден со успех, ќе ѝ приоѓаме на околината со апетит, доверба и храброст.

повеќе