Во Росоман продолжуваат проблемите со откупот на праските, 10 килограми се продаваат за 40 денари

Вчера на кванташкиот пазар во Росоман цената на една гајба праски од 10 килограми беше од 40 до 80 денари. Производителите се револтирани. Тие велат дека минималната цена на една гајба квалитетна праска треба да биде до 50 денари за килограм. Цените што се нудат не можат да ги покријат ни основните трошоци вложени во производството.

Земјоделците се жалат дека земјоделието е катастрофа и дека немаат помош од страна на државата, односно дека не се носат закони со кои ќе им се решат проблемите.

„Винариите нè уценуваат, државата нè уценува зошто не сака да донесе правилник за откуп на сите земјоделски производи, почнувајќи од пченицата па да завршиме на грозјето. Во секој сектор од земјоделието е катастрофа, а државата најмногу на некој начин нè манипулира, кажува мерки, дава субвенции, повраток на персонален данок, а од тоа нема ништо“, вели производител на праска од Росоман.

Пред 10 дена Министерството за земјоделство соопшти дека откупот на праските оди без проблеми и дека првите шлепери веќе стигнале во Русија. „Откупот на праските во Росоманско, како регион кој е најголем производител на ова овошје, се одвива непречено. Повеќе камиони чекаа на откупните места да се откупи праска и да се замине на пазарите во Русија, Косово и Црна Гора. Цената е од 15 до 20 денари, во зависност од квалитетот. Претставници од МЗШВ, кои беа на лице место, соопштија дека првите камиони со праска без проблеми веќе стигнале на рускиот пазар“, соопшти тогаш министерството.

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе