Во Македонска Каменица отворена канцеларија за дијаспора

Македонија ја доби втората канцеларија за дијаспора. После Штип, денес и Македонска Каменица доби простор кој ќе им стои на располагање на сите иселеници од овој крај кои ќе сакаат да ги пренесат сите идеи и да се информираат за поволностите кои им ги нуди општината за инвестирање или некоја друга соработка.

Оваа канцеларија е сместена во оштинската зграда и ќе биде отворена секој работен ден од 8 до 16 часот. За неа ќе биде задолжено едно лице ангажирано од општината.

Според градоначалничката на општина Македонска Каменица, Соња Стаменковска, ова е прв чекор кој локалната самоуправа го прави за продлабочување на соработката со дијаспората.

„Многу од нашите сограѓани својата егзистенција ја побараа во странство, затоа наша обврска и желба е да ја подигнеме комуникацијата со нив на повисоко ниво. Со оваа канцеларија иселениците ќе добијат достоен партнер за продлабочување на соработката и за сите иницијативи кои ќе ги имаат“, рече Стаменковска.

На отворањето присутен беше и министерот за иселеништво Едмонд Адеми кој истакна дека ова е голема институционална поддршка која Каменица ја воспоставуваа со дијаспората и која треба да вроди со плод.

„Владата на РМ донесе закон со кој ги поддржува домашните и странските инвестиции, а посебен член од законот е наменет токму за инвестиции од дијаспората се со вел да ги мотивираме уште повеќе да дојдат и да инвестираат во своите родни места. Вакви канцеларии ќе бидат отворени уште во неколку општини низ Македонија“, рече Адеми

Според податоците од Владата на РМ, македонската дијаспора брои околу 460.000 иселеници, од нив 2.000 се од Македонска Каменица

 

Лидерството на опозициската ВМРО-ДПМНЕ мора да излезе јавно, на прес конференција, заедно со сите пратеници, и да објават прекин на секакво понатамошно учество во дискусија на собраниската седница.

повеќе

Според Агенцијата за вработување, најмногу невработени има меѓу дипломираните правници, економисти, професори по одделенска настава на македонски и албански јазик и социјални работници. 

повеќе

Република Македонија треба да понуди законска можност за реализација на правото на приватен и семеен живот за истополовите партнери.

повеќе