Во Германија и Австрија казни од 500 до 6.000 евра за возење пијан

Возењето под дејство на алкохол е забрането во сите земји, но казните и ограничувањата се различни и се движат од дозволени 0,01 промили во соседна Албанија до 0,08 промили во Велика Британија.

Во Германија и Австрија алкохол може да се купи слободно секаде и во секое време, но консумирањето и возењето се санкционира со високи казни од 500 до 6.000 евра.

Во Австрија дозволен процент на алкохол во крвта кај возачите, е исто како кај нас – 0,05 промили, додека кај млади и професионални возачи – 0,01 промил. Казните се движат од 300 до 5.900 евра.

Во Германија, исто како и во Австрија алкохол се продава секаде и во секое време, но дозволен процент на алкохол во крвта кај возачи е 0,05 промили, со нулта толеранција за млади и професионални возачи. Казните се движат од 500 до 3.000 евра.

Најлиберални закони има во Малта и Велика Британија – 0,08 промили алкохол во крвта. Казните во Малта се движат од 1.200 до 2.329 евра, додека во Велика Британија 5.000 фунти или 5.500 евра.

На глобално ниво алкохолот е причина во над 10 проценти од сите фатални сообраќајни несреќи, додека најзагрозени се мажите и возачи меѓу 21 и 24 години. Според податоците на Светската здравствена организација за Европа возењето под дејство на алкохол е причина за 16,7 проценти од сите сообраќајни незгоди со фатални последици.

Најстрого ограничување има во Албанија, каде дозволен процент на алкохол во крвта кај сите возачи е 0,01 промил, а казните за возење под дејство на алкохол се движат од 5 000 до 15.000 леки или од 40 до 120 евра.

Нешто полиберални се Србија, Црна Гора и Босна и Херцеговина каде е дозволено 0,03 промили алкохол во крвта кај возачите. Казните се движат  меѓу 25 и 500 евра во Босна и Херцеговина, меѓу 40 и 1.000 евра во Србија и меѓу 200 и  2.000 евра во Црна Гора.

Во поголемиот број држави како што се: Грција, Бугарија, Хрватска, Словенија, Италија или Шпанија дозволеното ниво на алкохол во крвта кај возачите е исто како кај нас – 0,05 промили.

Казните се движат  помеѓу 250 и 500 евра во Бугарија и меѓу 78 и 1.200 евра во Грција, помеѓу 90 и 2.600 евра во Хрватска. Во Словенија дозволен процент на алкохол во крвта кај возачите е 0,05 промили, но затоа има нулта толеранција за млади и професионални возачи. Казните се движат од 300 до 1.200 евра.

 Maкпетрол инфо поинт

Во чест на Меѓународниот ден на трудот, вреди да се разгледа состојбата со работничките права во државата, да се направи краток осврт на изминатата година и да се согледа што може да се направи за да се насочат работите кон подобро.

повеќе

Таквиот вид на анахрон национал-романтизам, со речиси апологетски однос кон окупаторската политика на Бугарија во Втората светска војна, штетна е за хармонизација на односите на Балканот, пред сѐ на Бугарија со РСМ, но и со Србија.

повеќе

Некогаш да градиш на три континенти, а денес да не ја градиш сопствената држава.

повеќе