Реакција

Трифун Костовски до Оштетени штедачи: И вие, ама и јас сум ограбен

Ги разбирам сите ваши пориви да бидете обесштетени од стечајот на Еуростандард Банка. Единствено не разбирам што објавувате невистини за учество на моето семејство во криминалот во Еуростандард банка. Големо ЗОШТО? Дека сум тука и од петни жили се борам да дојдам до вистината? Вие сте ограбени, ама и јас сум ограбен, се вели во реакцијата на Трифун Костовски, еден од сопствениците на пропаднатата Еуродстандард банка, на денешното соопштение на здружението Оштетени штедачи.

„Не доликува вашиот бес да го истурате на човек кој најмногу се бори за вас со цел да ви се вратат украдените пари. Повторувам … вашите и моите украдени пари се тука во Македонија. Мене и моето семејство не ставате на отстрел само затоа што први испаднавме во борбата да докажеме дека е ова организиран криминал, не е чесно ниту фер“, вели по писмената изјава Трифун Костовски.