Спремен да разговара со угостителите

Свадби нема да има, немам храброст да одам против Комисијата за заразни болести, вели Битиќи

Вицепремиерот за економски прашања Фатмир Битиќи е спремен да разговара со угостителите за да се изнајде решение за нивните барања, но нема да оди против препораките на Комисијата за заразни болести.

Мислам дека  решенијата се веќе изнајдени само треба соодветно да ги искомуницираме. Во овој момент битно е дали и колку ќе излеземе помалку погодени од кризата, а не дали сме погодени. Сите сме погодени од кризата, некој е погоден здравствено, а некој економски, но на крај од кризата ќе треба сите заедно да седнеме и да видиме како да заздравиме од кризата. Затоа сум  отворен да седнам да разговарам со секој еден кој смета дека има потреба за разговор, рече Битиќи денешната прес-конференција во Владата, пред протестот на угостителите закажан за денеска пред Владата.

Според него, угостителите се идентификувани како еден од најпогодените сектори во предложените економски мерки.

„Во ниедна мерка која е донесена угостителите не се исклучени, но јас немам доблест и храброст да одам против препораките на Комисијата за заразни болести. Сите треба да прифатиме дека секој треба на професионален начин да ја одработи својата задача. Треба да ја слушаме Комисијата и да ѝ веруваме дека е најдобро за здравјето на граѓаните кога ќе укаже дека не е дојдено времето за олеснителни околности за работа“, рече Битиќи.

Тој уште додаде дека угостителите за организирање свадби и други свечености не се ставени во ист кош со другите угостители.

„Механизмот од втората мерка која е предвидена во новиот пакет им дава можност на овие угостители навистина да добијат значително поголеми неповратни средства во моментот кога ќе почнат да работат заради нивните финансиски резултати и неработењето една година. Токму затоа мислам дека треба да седнеме, да разговараме и да ги објасниме сите забелешки, бидејќи никој не е ставен во ист кош“, изјави Битиќи.

 

 

 

 

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе