29 години од постоењето како самостојна државна институција

Сугарески: Пандемијата не ја спречи Царинската управа да ги реализира планираните активности

Царинската управа денеска одбележува 29 години од постоењето како самостојна државна институција. Директорот на Царинската управа Горан Сугарески во видео обраќање оцени дека и покрај сите предизвици предизвикани од пандемијата, Царинската управа успеала да ги реализира сите планирани активности изминатата година.

„Изминатата година ја одбележаа повеќе настани и проекти меѓу кои и претседателството со Поткомитетот за царина и правила на потекло во рамки на ЦЕФТА, кој има големо влијание во олеснувањето на националната и прекуграничната трговија. Како претседавачи со овој комитет, успеавме да воспоставиме т.н. зелени коридори, преку кои за време на пандемијата сите земји членки на ЦЕФТА се обврзаа да обезбедат 24 часовна работа на граничните премини за извоз и увоз на стоки во рамки на ЦЕФТА, како и на клучните гранични премини со Европската Унија. Исто така, согласно потребите на Државниот санитарен и здравствен инспекторат го развивме новиот модул РАВИО во рамките на ЕХИМ системот кој служи за автоматско следење и стопирање на лицата кои се обидуваат да излезат преку аеродромите од државата, а имаат решение за изолација“, вели Сугарески во видео обраќањето.

Традиционално, на денот на Царината искажана е благодарност до институциите и поединци кои дале придонес за работата на Царината, а на царинските службеници со 10, 20 и 30 години работење им биле дадени благодарници.

Во рамки на годинашното одбележување организирана е и крводарителска акција, а царинските службеници својата хуманост ја искажале и преку донација на мебел, инвертер клима уреди, постелнина, кујнски апарати и детски играчки за „Родителска куќа", каде се сместени родителите чии деца се пациенти и примаат терапија на хемато-онколошкото одделение на Универзитетската клиника за детски болести.

Европа е решена да се ослободи од меката моќ на Москва (енергенсите), а и на дипломатско поле сака да и стави до знаење дека и за неа ќе има „црвени линии“. 

повеќе

Незабележливите разлики во нашето однесување кои се дел од психолошката манипулација на социјалните мрежи се предизвикани од надзорниот капитализам и ја нарушуваат демократската култура и личната автономија.

повеќе

После десетици години се решава холдингот, неданочните давачки и царинските тарифи значајни за бизнисот.

повеќе