Сугарески: Целосно сме поветени на изградбата на патна инфраструктура

Владата е целосно посветена на изградбата на патната инфраструктура во државава. Во моментов се работи на преку 550 километри патна мрежа во целата држава, а деновиве во употреба ќе биде пуштен автопатот Миладиновци – Штип, изјави министерот за транспорт и врски Горан Сугарески при денешниот увид на градежните работи на патот од Прилеп до Вештачкото езеро.

„Во моментов се работи на трите гранични премини кон Бугарија. Патот од Делчево до бугарската граница практично е комплетно саниран и направен, се работи на патот Берово – Клепало, како и на патот Струмица – Ново Село до граничниот премин. Се работи уште на 30 патишта кои се реконструираат низ целата држава, дел се воведени во работа, дел од почетокот на јуни, а друг дел, согласно со динамиката, ќе продолжат од август со реконструкциите. Паралелно се работи на четирите експресни патишта. Во делот на Пелагонискиот регион, покрај овој пат што се реконструира, се работи и на патот од Градско до Дреново, на патот Битола – Демир Хисар, направена е обиколницата околу Битола, направен е патот од Битола до Новаци. Се предвидува да се направи патот од Кривогаштани до Крушево и се работи на проектирање на автопатот од Прилеп до Битола. Ќе се реконструира постојниот пат од Битола до Меџитлија, а паралелно се работи на проект за експресен пат за оваа делница. Автопатот Миладиновци – Штип деновиве ќе биде пуштен во употреба“, изјави Сугарески.

Што се однесува до патот Прилеп – Градско, Сугарески објаснува дека таму во прашање се две делници на кои се интензивираат работите.

„Едната делница на која се работи е од Градско до Дреново. Се отстрануваа повеќе цевки од ХЕЦ „Тиквеш" и динамиката е посериозна. На делницата кај Фаришката Клисура се врши подготовка за поставување на мостовите. Оваа делница треба да заврши наредната година. Делницата кај Лешники мост пред Прилеп ќе се тендерира годинава“, објасни министерот за транспорт и врски Горан Сугарески при денешниот престој во Прилеп.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе