Сѐ уште нема одговорност

Списокот на фирмите кои ја злоупотребиле државната помош се намалува

На списокот на фирмите што државната субвенција за плати не им ја дале на своите работници останаа 344 компании, а 234 веќе нема. Оние што останаа на списокот може и кривично да одговараат за злоупотребата на државните пари за исплата на минималец за работниците.

Од Генералниот секретаријат на Владата информираат дека денеска финалниот список ќе биде испратен до Јавното обвинителство. Сопствениците на овие фирми ќе мора да ги вратат парите, а им се заканува и казна затвор од 1 до 10 години.

Управата за јавни приходи најпрво објави список од 708 фирми што за два месеци не исплатиле околу 385.000 евра на над 1.700 вработени. Денес на конечниот список што ќе оди во обвинителство се 344 компании кои не им исплатиле околу 180.000 евра на 800 вработени.

УЈП објави дека околу 3.750 компании на речиси 53.000 работници исплатиле 1,5 милиони евра помалку од парите кои ги добиле од државата. И овие компании се дел од проверката на надлежните.

Синдикатите бараат и кривична одговорност за газдите за злоупотребата на државаната помош.

А Владата најави дека ќе поднесе кривични пријави до Јавното обвинителство против компаниите, кои и покрај последните опомени и рокот што им беше даден, до петокот минатата недела не ги исплатија платите на своите работени. 

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе