Собранието го изгласа Буџетот за следната година, вкупните приходи се планирани на ниво од 238,9 милијарди денари

Собранието вечерва по петдневна расправа со 63 гласа „за", 36 „против" и ниту еден „воздржан" го донесе Буџетот за следната година.

Вкупните приходи се планирани на ниво од 238,9 милијарди денари или 30,9 проценти од БДП, а расходите се проектирани на ниво од 272,4 милијарди денари што е за 1,4 проценти повеќе од годинава. Дефицитот се планира на ниво од 33,5 милијарди денари или 4,3 отсто од БДП и е понизок за 2,2 процентни поени во однос на проценетиот дефицит во 2021 година. За капитални инвестиции за следната година се предвидени 37,8 милијарди денари, што е за 27 проценти повеќе во однос на 2021 година. Запазено е т.н. „златно правило во финансиите", односно буџетскиот дефицит е помал од капиталните расходи.

Според министерот за финансии Фатмир Бесими, со Буџетот ќе се обезбеди непречено финансирање на основните функции на државата, ќе се забрза економскиот раст и ќе се даде поддршка на реформските процеси во правосудството и на евроинтеграциските процеси.

Целите на Буџетот се продолжување на грижата за здравјето на граѓаните, закрепнување на економијата, фискална консолидација и непречено финансирање на основните функции на државата. Политиките на Буџетот се засноваат на стратешките документи како што се реформската програма во координација со ЕУ, Планот за забрзување на економскиот раст, документот за фискална одржливост и Планот за инвестиции, рече Бесими во завршното обраќање.

Како карактеристики на Буџетот, Бесими ги посочи зголемувањето на капиталните инвестиции, намалувањето на тековните расходи посебно за стоки и услуги и продолжувањето на транспарентноста во менаџирањето на јавните пари.

Сеопфатната дискусија за Буџетот придонесе во подобрување на квалитетот. Се прифатија 23 амандмани во вредност од 382 милиони денари. Можам да кажам дека партиципенти беа сите пратеници, рече Бесими, изразувајќи благодарност до сите пратеници за конструктивната дебата.

Во текот на петдневната расправа, власта и опозицијата изнесоа спротиставени ставови.

За пратениците од власта, Буџетот е развоен и во насока на подобро справување со енергетската и здравствената криза. Сметаат дека Буџетот е донесен низ транспарентен и инклузивен процес за што доказ се прифатените 23 амандмани во вкупна вредност од околу 382 милиони денари од кои поголем дел се од опозицијата. За опозицијата, пак, Буџетот е нереален со голем број капитални инвестиции кои нема да се реализираат. Според нив, власта нема капацитет да ги спроведе приоритетните цели на граѓаните и државата.

Во рамки на денешната седница беше донесен и Законот за извршување на Буџетот за 2022 година.

Предлог-буџетот беше усвоен на 30 октомври од страна на Владата. Предлог-буџетот потоа беше доставен до Собранието каде помина низ десетдневна расправа во собраниската Комисија за финансирање и буџет и повторно вратен во Владата каде беа прифатени 23-те амандмани. Потоа повторно беше вратен во Собранието каде на пленарна седница пет дена се расправаше за него.

(Насловот е на турски со причина, во превод, „писмо или револвер“.)

повеќе

Со фактот што Европа продолжува да плаќа милијарди долари за рускиот гас секој месец, таа и понатаму игра онака како што свири Кремљ, покажувајќи на тој начин дека е заробеник на сопственото задоволство.

повеќе

Грејната сезона заврши во месец април како и секоја година, но последнава беше со многу проблеми кои произлегоа од енергетската криза, од војната во Украина и генерално од светската економска криза.

повеќе