Вински карневал во Кавадарци

Се славеше грозјето и производите од грозје

Многубројни учесници од земјава и странство беа дел од Винскиот карневал во Кавадарци, кој се реализираше во рамките на традиционалната манифестација „Тиквешки гроздобер”.

Низ централното градско подрачје продефилираа триесетина карневалски групи. Се славеше грозјето и производите од грозје.

Кавадаречкиот градоначалник Митко Јанчев и претседателот Ѓорѓе Иванов заедно со винските крал и кралица симболично го објавија чинот на берба на грозје, а млади девојки со нозе газеа грозје во голема бочва, за подоцна од него да се прави вино и ракија, како што тоа се правело во минатото.

Пред многубројните присутни беше претставен чинот на раѓањето на грозјето, домашното вино и тиквешката жта, џоломарите со страшните маски го избркаа злото од лозаровинарството, а кај многумина од учесниците преовладуваа зелената и жолтата боја, како симболика за зеленото море од лозја и плодното тиквешко сонце во најлозарскиот дел на Македонија.

Јанчев и Иванов посакаа бериќетни денови во лозаровинарството. 

Оваа администрација нема намера Скопје во догледна иднина да стане одржлив зелен град и тоа е јасно одразено во буџетот за 2020 година.

повеќе

Излегува дека само Македонците на овој свет се должни пред сè да се грижат за правата на сите други луѓе и на крајот да размислуваат (но само да размислуваат) за себе.

повеќе