Рекорден број на апликации во Фондот за иновации

Во споредба со лани, годинава на повикот за комерцијализација на иновации Фондот за иновации и технолошки развој доби 487 или два пати повеќе апликации, изјави Јован Деспотовски, директор на Фондот.

„Оваа бројка на апликации се однесува само за еден инструмент за разлика од лани кога беше вкупна за четири инструменти. Ова е прв јавен повик што го реализираше Владата заедно со Светска банка со комбинирани средства. Досега програмите беа одвоени. До 2017 година беа исклучиво од Светска банка, а од лани стартувавме со план од економски раст кој го реализираше Владата“, рече Деспотовски.

Вкупниот планиран обем на инвестиции од инструментот за комерцијализација што ги доставија фирмите беше околу 105 милиони евра. Од нив 70 беа побарувани од Фондот, а 35 милиони од сопствено кофинансирање на компаниите. Во процесот на евалуација, бројките се менуваат, согласно препораките за реструктуирање на буџетите што ги дава Комитетот и намалување на одредени ставки.

„Во моментов, во просек, од целото наше портфолио од 40-тина милиони евра, односот на кофинансирање е 55:45. Тоа значи дека речиси за секое евро што го дава државата компаниите вложуваат свое евро“, вели Деспотовски.

Избрани се 30 компании кои ќе добијат 5 милиони евра. Со новиот новиот ребаланс на Буџетот се очекува зголемување на таа сума на 12,5 милиони евра, со што и бројот од сегашните 30 ќе се зголеми на 75-80 компании.

„Од наша страна до Владата доставивме барање за проширување на износот на средства, а сѐ со цел да се излезе во пресрет на поголем број апликанти, кои во принцип се домашни компании и имаат доставено квалитетни проекти. Јас очекувам, ако Владата го одобри нашето барање, бројката да се зголеми на 75-80 компании“, изјави директорот Деспотовски.

Кога ќе заврши пандемијата, очекувајте државите да се вратат со поголема власт и поголем легитимитет.

повеќе

Откако не успеа во приказот на Мицкоски како екстензија на Груевски и на опозицијата како „анти-западна“, со изјавите неделава Заев покажува дека негов рецепт за изборна победа е само што помала излезност без учество на опозицијата.

повеќе