Прво откуп на тутунот, измени на Правилникот за тутун, па нови договори, бара Сојузот на земјоделски здруженија

Што побрзо да заврши откупот на тутунот и да се преземе вишокот, барем во законскиот рок, а потоа да се склучуваат договори за новата реколта, но прво со измени на Правилникот за тутун, побарано е на денешното собрание на Сојузот на земјоделските здруженија на Македонија што се одржа во Прилеп.

Претседателот на Сојузот, Менде Стомнароски рече дека фирмите ветиле дека до вчера, ќе го откупат сето она што е договорено, но досега се откупени 23.000 тони тутун, пренесе МИА.

„Освен тоа најавија и дека ќе откупат уште 2.500 тони вишок тутун, но тоа да биде што побрзо, барем во законскиот рок до крајот на февруари и веднаш да се достави и картонска амбалажа. Нашите пресметки за вишокот тутун се од 2.000 до 2.500 тони и очекуваме да не остане ниту килограм вишок тутун, доколку откупувачите го исполнат ветеното. Но, ветија дека ќе достават и картонска амбалажа. Ги повикуваме откупувачите од понеделник да почнат да делат картонска амбалажа и вишокот да се преземе, барем до крајот на законскиот рок на откупот, 28 февруари, а не да остане и ситуацијата да се развлекува. Некои фирми уште вчера почнаа да преземаат вишок тутун, но првата берба и четвртата класа им ги враќаат и не им ги земаат. Го земаат само поквалитетниот тутун, а рекоа дека ќе го откупуваат вишокот, без разлика на берби. Бараме од понеделник да не се затвората пунктовите, вишокот тутун да се преземе што може побрзо“, изјави Стомнароски.

Од Сојузот додаваат дека нема да дозволат склучување на договори за новата реколта пред да се дооткупи родот и да се земат предвид предлог измените на правилникот за тутун со кој се бара откуп во три класи, четвртата да биде збирна класа и зголемени цени на откупот и бараат преговори.

„Откупувачите нудат предлог договори, а ние од министерот за земјоделство и од инспекторатот бараме да се донесе одлука да се одложи потпишувањето на договорите за новата реколта тутун. Тоа да се одложи додека не се откупи сиот тутун и додека не седнеме да преговараме, заедно со откупувачите, со Министерството за земјоделство, инспекторатот и Стопанската комора за текстот на договорот и за измена на Правилникот. Во новиот Правилник бараме тутунот да се цени во три класи (прва, втора и трета), четвртата да биде збирна класа. Во првата класа да влезе и горниот среден лист, или поинаку речено третата берба со листовите до 16 сантиметри, а подбирот да биде во третата класа, а четвртата да биде збирна во која ќе влезе се што е оштетено, за да нема проблеми како годинава кога се ценеше според шифри. Со измените на Правилникот предлагаме и одбитокот да се проценува според класите: за првата да биде 1 насто, за втората 2, а за третата класа 3 насто, или вкупно за сите класи да не биде поголемо од 4 проценти. освен тоа, бараме и зголемување на цената по класи: за прва да биде 280, за втората 22, за третата класа цената да биде 170 денари, а четвртата, збирната класа да биде 90 денари за килограм. Сите компании кои ќе откупувата да имаат исти цени за да не се создадат проблеми повторно“, објаснува Стомнароски.

Сојузот в понеделник ќе ги извести министерот за земјоделство, Инспекторатот, Стопанската комора и откупувачите, заедно со тутунопроизводителите за да одржи јавна дебата во Прилеп на 28 февруари за овие барања и измени на Правилникот. По договорот за измените, да почне да се склучуваат договорите за новата реколта. Дотогаш нема да дозволат да се склучи ниту еден договор.

Тутунските здруженија од повеќе региони велат дека сѐ уште има проблеми со откупот,  нема доволно картонска амбалажа, а се купуваат поквалитетни берби, другото се враќа назад.

„Целиот тек на откупот годинава беше лош. крајот е уште полош зашто откупувачите гоземаат само поквалитетниот тутун, според шифри, а другиот го враќаат“, вели Сулејман Абази, тутунско здружение „Зелен лист ориентал“ од Крушево.

Според Јован Ердоганов, од здружението „Ориентал табак“ од Радовиш, откупот и во радовишкиот регион се одвива отежнато и нивна проценка е дека на терен има уште 500 до 600 тони тутун. Сега, како што рече, проблем се јавува со недостигот од картонска амбалажа, но се надеваат дека откупните фирми ќе се држат до ветувањето.  

„Во Долненска општина има за откуп уште околу 1.500 тони, а половината е со договор. На тутунарите не им се зема сиот род, туку само поквалитетните берби, другото им се вража назад“, вели Муса Ибраимоски од здружението „Златен лист“ од Долнени.

Инаку, Министерството за земјоделство најави пролонгирање на откупот до крајот на март.

МИА

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе

ДУИ, која по конфликтот го вееше албанското црвено - црно знаме, потоа синото, на следните избори ќе го вее зеленото.

повеќе