Протест на вработените во управата и правосудството, денеска и утре нема да работат по два часа

По барањата за исплата на минимална плата и линеарно зголемување на останатите плати за 2.806 денари вработените во управата и правосудството денеска и утре нема да работат од 10 до 12 часот.

Според најавите на Синдикатот на управата, правосудството и здруженија на граѓани (УПОЗ), ќе се протестира во сите оние институции каде имаат синдикални организации, како што се министерства, агенции, фондови, управи и судови.

Од Синдикатот велат дека во 95 отсто од институциите не се исплаќа минимална плата, а во останатите пет проценти, дел не ја подготвуваат минималната плата, а дел што веќе ја исплатиле направиле грешки и исплатиле само минимална плата без вклучен стаж.

Досега не добиле покана од Владата за преговори, а притисокот од членството е голем и се бара прекинот на работата да продолжи.

УПОЗ вчера доби поддршка од Сојузот на синдикати на Македонија. Оттаму побараа да не се тактизира со усогласувањето на останатите плати со минималната плата. Доколку се тактизира, како што велат, следните чекори што ќе бидат преземени, ќе бидат чисто работнички и синдикални за изразување на работничкото незадоволството, за што одлука ќе биде донесена в петок на седница на Претседателството и Советот на ССМ.

 

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе