Поради одлуката за три дози вакцина или за две дози со ПЦР - тест

Приштина да ја преиспита одлуката за ограничен влез во Косово, бара СКСЗМ

Стопанската комора на северо - западна Македонија бара косовските власти да ја преиспитаат одлуката која е стапена во сила, според која за влез во Косово задолжителен е сертификат за примени три дози вакцина против ковид-19 или сертификат за две дози вакцина заедно со негативен ПЦР-тест. Комората вели дека има разбирање за епидемиолошката состојба , но смета дека со вакви рестриктивни мерки се прават дополнителни економски бариери меѓу двете држави.

 Стопанската Комора на северо-западна Македонија во координација со Албанскиот економски форум, изрази загриженост поради одлуката на Владата на Република Косово „За општи и посебни мерки за контрола, спречување и борба против пандемијата со ковид-19", која стапи на сила на 22 јануари годинава. која, меѓу другото, вклучува и нови мерки за влез и излез на граѓани во и од Косово, со потврда за вакцинација од три дози против ковид-19 или потврда за вакцинација со две дози негативен ПЦР - тест направен не порано од 48 часа пред поаѓањето.

„Мерките за влез и излез на граѓаните во Косово значително ја попречуваат слободата на движење, бидејќи голем дел од граѓаните не можат да ја земат третата доза бидејќи не поминало доволно време од втората доза (6 месеци).
Со оглед на фактот дека нашите економии се последователно на удар од кризите што ги зафатија, сметаме дека оваа мерка е дополнителна бариера за бизнисите и економијата воопшто, не дозволувајќи слободно движење на луѓе, стоки и услуги, што не е во линија со економската логика во овој период.
Изразувајќи го нашето разбирање за епидемиолошката состојба, ја повикуваме Владата на Република Косово да ја преиспита оваа одлука без да го попречува слободното движење на граѓаните во нашиот регион“.

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе