петок, 29 март 2024
По определената краткотрајна мерка за крвавиот настан во Железара

Пуштени на слобода двајцата приведени за убиството на лекарот, немало докази дека тие го избоделе

Пуштени од куќен притвор се двете лица за кои претходно Основниот кривичен суд Скопје на предлог на Обвинителството беше определена краткотрајната мерка под сомнение дека се вмешани во убиството на лекарот во скопска Железара. Од ОЈО Скопје соопштија дека оваа одлука е донесена бидејќи немало доволно докази кои ги поврзуваат со сторувањето на кривичното дело.

Објавено на

часот

Сподели

„До овој момент, со преземените дејствија од МВР и извршените вештачења од Институтот за судска медицина не се обезбедени докази кои даваат основано сомнение дека лицата лишени од слобода се сторители на кривичното дело. Од тие причини, јавниот обвинител, по истекот на времетраењето на определената мерка краткотраен куќен притвор, нема да предлага судот да определи нови мерки за претпазливост за трите лица кои беа задржани во врска со овој настан. Министерството за внатрешни работи, во координација со Основното јавно обвинителство Скопје, продолжува да презема дејствија за идентификација на сторителите на кривично дело“, соопштија од Обвинителството.

Министерот за внатрешни работи, Панче Тошковски пред два дена соопшти дека две лица се приведени во врска со убиството на лекарот во скопската населба Железара.

Тој посочи дека се преземени 20 истражи дејствија и дека се прегледани над 50 камери и видео записи. Според првичните наоди, мотивот за убиството не е поврзан со професијата на убиениот.

Шеесет и седумгодишен лекар минатата недела беше пронајден избоден до смрт во неговиот автомобил паркиран во парк во близина на поранешната фабрика Железара.

 

ТОП ВЕСТИ

ПОСЛЕДНИ ВЕСТИ