Парк, прв хотел со електричен полнач во Македонија

Во Парк хотел и спа, официјално се пушти во употреба станица за полнење електрични возила, којашто го прави хотелот, единствен од ваков тип во Македонија. На настанот беше присутна и еврокомесарката за транспорт Виолета Булц која во хотелот пристигна со своето електрично возило и беше првата која го употреби новиот полнач.

Во Парк хотел и спа се одржа конференција, на тема: Проект „Eдисон еСкопје“, во соработка со Сојузот на Ротари клубовите од Македонија. На конференцијата имаше кратко излагање заменик министерот за животна средина Јани Макрадули, а тематска презентација имаше Изток Селјак, Хидриа/Словенија - »Edison eSkopje« и Марко Фемц, претставник од Планет–нет/Словенија.

Со оваа инвестиција Парк хотел и спа се приклучува на платформата „Едисон“ (eco driving innovating solutions and network) која има за цел да го претвори регионот во лабораторија на идната зелена мобилност.

„Сакаме да ја поттикнеме и индустријата да се вклучи во овие трендови“, изјави Изток Селјак, координатор на проектот „Едисон“ преку кој се очекува да се електрифицираат автопатиштата во регионот. Токму затоа е формиран проектот „Едисон“ кој здружува 50 компании, универзитети и институти во Словенија, а сега се проширува и низ цела ЈИЕ преку концептот „Едисон е-сити“ со лансирање инфраструктура на полначи за електрични зелени возила, зелени такси, кар шеринг, а сакаме да ја поттикнеме и индустријата и производството да го искористи „Едисон“ за нови иновативни решенија и зелен коридор од Љубљана до Скопје, Приштина и Тирана во должина од 1.400 километри“, изјави Изток Селјак.

„Парк хотел и спа продолжува со еко проекти кои влијаат позитивно на животната средина. Постојано воведуваме технолошки новини во работењето и спроведуваме низа на активности за превенција од дополнително загадување на животната средина и подобрување на истата. Oпштествена одговорност за нас претставува дејствување пошироко од рамките на националните закони и општесвени легислативи. Во оваа насока ние внимаваме како нашето дејствување влијае на нашите вработени, посетители, општествената заедница и животната средина“, изјави генералниот менаџер на Парк хотел и спа, Панајотис Колокатис.

 

http://parkhotel.mk

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе

Да можеме Благуна да ја прашаме за нашите јадови околу текстот од Нивици, би ја зачудиле.

повеќе