Постигнат договор за откупот на ориз

Откупувачите ќе ја почитуваат откупната цена од 20 денари за килограм за сортата „Сан Андреа“ и 17 за другите сорти

Откупувачите да ја почитуваат откупната цена, а министерот за земјоделство Арјанит Хоџа од следната недела лично ќе ја следи состојбата со откупот на оризот, било договорено на денешната средба на министерот со оризопроизводителите.

Договорено е дека откупувачите ќе ја почитуваат откупната цена од 20 ден/кг за сортата „Сан Андреа" и 17 ден/кг за другите сорти. Скоро сите откупувачи, до МЗШВ имаат доставено ценовник согласно овие цени, со ветување дека нема да одат под договореното. Министерот Хоџа им вети на оризопроизводителите дека од следната недела кога и откупот ќе биде поинтензивен, лично ќе излезе на терен и ќе ја следи состојбата, дали се почитуваат договорените откупни цени, информира Министерството за земјоделство, шумарство и водостопанство.

Оттаму соопштуваат дека како дополнителна помош, од Ковид програмата на Владата, се издвојуваат по три денари за оризопроизводителите, а дополнително, во текот на месецов, ќе биде донесена одлуката дали исплатата на овие три денари ќе биде по килограм или по обработлива површина. Овие средства ќе им бидат исплатени до 25 декември годинава.

На средбата се разговарало и за изнаоѓање на нови пазари како што е турскиот, кој минатата година пројави интерес да откупува наш ориз.

„Сите опции се отворени, МЗШВ веќе работи на многу стратегии. Министерот Хоџа изјави дека дијалог и со откупувачите и со производителите, е единствениот начин на кој секогаш ќе ги носиме најдобрите решенија“, се вели во соопштението од МЗШВ.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе