Од понеделник бугарски вина на македонскиот пазар (ФОТО)

„Пентаграм“, „Вера тера“ и „Фајнд ми“, се само некои од бугарските вина кои од наредната недела ќе се најдат на македонскиот пазар.

 

Како што беше речено на денешната промоција што ја организира новинската агенција БТА во Скопје, се уште не се знае цената по која ќе се продаваат вината – бели, розе, црвени и купаж кои се од висока и висока средна класа.

За околу два месеца се очекува на нашиот пазар да пристигне и бугарската ракија „Бургаз 63 барел“.

„Ќе одиме најпрво со основните верзии од вината. Има интересни купажи, а особено добро е виното розе. Ние тука немаме таков вкус. Се работи за одредени специфики во однос на производните услови. За пласманот, со маркетите се уште разговараме. Прво ќе се фокусираме на рестораните, а за неколку месеци очекуваме вината да бидат веќе препознатливи“, вели македонскиот увозник Александар Панев.

Според Јорданчо Чорбаџиски, претседател на Управниот одбор на Националната лозаро-винарска комора и извршен директор и член на Управниот одбор на Црноморско злато – Поморие, средбите што се реализираат тука со македонските партнери, во Бугарија се восприемаат многу добро, а им се допаѓаат и на македонските граѓани.

„Бугарија и Северна Македонија, се мали држави, но ако работат заедно, многу подобро ќе се позиционираат на светскиот пазар“, додаде Чорбаџиски

Бугарскиот амбасадор Ангел Ангелов смета дека виното е мост за соработка и дополнително зближување на двете земји.

Кирил Валчев кој го водеше настанот, предочи дека Бугарија го познава одличниот вкус на ракијата „Тиквеш“ која може да се најде во секој бугарски ресторан, а ги познаваме вкусовите и на македонските вина.

По презентацијата, присутните имаа можност и да ги дегустираат бугарските вина.

Во 1999 година во земјава се увезени околу 100.000 литри бугарски вина по што оваа бројка се намалувала иако, како што беше нагласено на промоцијата, Бугарија е сериозен вински производител и според податоците на ЕВРОСТАТ во 2018 година реализирала извоз од над 30 милиони евра.

Презентацијата беше организирана во рамки на серијалот „БТА претставува“ чија идеја е да се промовираат различни области во кои македонскиот и бугарскиот народ можат да соработуваат.

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе