Од денеска може да се користат ваучерите за летување

Граѓаните кои немаат поголеми примања од 15 илјади денари месечно ќе може да ги искористат средствата во висина од 6.000 денари за летување или зимување во земјава во периодот до 15 декември. Според податоците на надлежните условите за оваа мерка ги исполнуваат 117.122 граѓани.

Дестинацијата на која ќе може да летуваат или зимуваат ќе може да ја изберат преку платформата www.domasiedoma.gov.mk и www.pushimenevend.gov.mk на која се објавени хотелите, приватните апартмани, автокампови, одморалишта, бањи, опфатени со оваа владина мерка.

Првичната оценка на сместувачките капацитети е дека луѓето се заинтерсирани за искористување на поддршката, но засега се уште се плашат од ситуацијата со ковид-19.

Агенцијата за туризам, пак, очекува годинава од домашните гости да бидат остварени повеќе од два милиона ноќевања, бројка во која значителен удел ќе имаат токму ваучерите.

Доделувањето на ваучерите е една од владините мерки за поддршка на домашниот туризам поради коронакризата, а произлезе од соработката на сите чинители во секторот.

Откако ќе бидат искористени ваучерите од страна на граѓаните, Министерството за економија ќе им ги исплати средствата на туристичките капацитети за дадените услуги врз основа на доставена месечна фактура и месечен извештај за реализираните ваучери.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе