Од 1 јули разговорите на мобилен во Западен Балкан без надомест за роаминг

Oд 1 јули нема да се наплатува роаминг за разговорите на мобилен телефон во земјите на Западен Балкан, што ќе значи повеќе пари во буџетот за граѓаните на овие земји, но и за деловните субјекти, изјави генералниот секретар на Советот за регионална соработка, Мајлинда Брегу.

„Граѓаните ќе имаат малку повеќе пари во џебот, оние што би ги потрошиле доколку би плаќале сметки во регионот поради тарифите за роаминг. Второ, мислам дека е важно да се нагласи дека не само што бројот на луѓе кои користат интернет се зголеми, туку ние за време на пандемија сфативме дека времето што го поминуваат луѓето на интернет е зголемено, што исто така дава одредена тежина“, рече таа за РСЕ.

Забележано е дека младите во регионот сметаат дека олеснувањето на роамингот е корисно како и слободата на движење, поради што, како што рече, тоа ќе биде одлична порака и за нив.

Со оглед на тоа што пандемијата влијаеше на економскиот развој на земјите, Советот за регионална соработка проценува дека подобрата соработка меѓу нив може да заштеди значително.

Како пример, Брегу ги издвојува „зелените коридори“. Ова се меѓународни линии за транспорт на храна и друга неопходна стока, кои беа отворени на 13 март 2020 година.

Таа исто така оцени дека е одлично што лидерите во регионот го прифатија планот за заедничкиот регионален пазар во ноември.

„Пазар што ќе има заедничка политика во областа на иновациите, индустријализацијата, дури и помошта за туризмот и така натаму. Она што мислам дека ќе биде најважно е дека, отсега натаму, ние нема да се фокусираме само на испорака на она што ни треба. Очекуваме дека првите работи што ќе бидат на тоа поле ќе бидат претставени на самитот во Берлин, што ќе се случи до јули, особено оние што се однесуваат на слободата на движење во регионот со лични карти“, рече Брегу.

Целиот свет гледа на 2021 година како на година на заздравување на економијата.

повеќе

Не треба толку да се грижиме за тоа дали се искачуваме на табелата, туку повеќе треба да внимаваме на тоа дали навистина се справуваме, истражуваме и ги гониме оние кои се занимаваат со корупција.

повеќе

Потребно е да се провери дали имало наредба за следење врз Камчев.

повеќе