Објавен тендер за првите два километри од новиот автопат Скопје-Граничен премин Блаце

Јавното претпријатие за Државни патишта (ЈПДП) денеска го објави тендерот за првата делница од автопатот Скопје – Блаце во должина од два километри од Граничниот премин Блаце до почетокот на селото Блаце. Тендерот е отворен до 4 септември оваа година, информираше директорот на ЈПДП, Зоран Китанов.

„Идниот автопат ќе биде изграден според европски стандарди со две ленти за возење и една за принудно застанување во еден правец, ширината на лентите за возење се по 3,5 метри, односно целосната широчина во еден правец изнесува 10,25 метри, средниот појас е широк четири метри, а брзината за движење ќе биде 100 километри на час“, рече Китанов по денешната средба со вицепремиерот за европски прашања Бујар Османи.

Тој појасни дека е планирано да се изградат целосни пропусти, плочасти пропусти, дренажи и сообраќајна сигнализација. На делницата е предвиденa и изградба на клучка со село Блаце, како и изградба на два кружни тека. Тој нагласи дека рокот за изградба е 18 месеци, а средствата се обезбедени од ЈПДП.

Вицепремиерот Османи информираше дека за проектот за изградба на автопатот Скопје-ГП Блаце аплицирале до Инвестицискиот фонд за Западен Балкан од кој се добиени еден милион евра со кои заедно со постојните средства ангажирале американска компанија да направи проект за првата делница и за почеток на изградбата со буџетски средства.

„Аплициравме до истата инвестициска рамка за Западен Балкан од каде обезбедивме околу 28 милиони евра и до ЕБРД за кредитна линија да се заокружи целата финансиска конструкција. Истовремено во делот во ничија зона кој не е покриен со финансиски средства, Владата одлучи околу осум милиони евра, средства од ИПА, да се алоцираат за изградба и на тој дел“, изјави Османи.

 

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе