Кампања „Ивестирам за да помогнам“

НУК бара помош за угостителите од фирмите кои организираат предновогодишни забави

Независната угостителска комора (НУК) започнува кампања #ИнвестирамЗаДаПомогнам за инвестиции и поддршка на угостителската индустрија со цел да ги поттикнат фирмите дел од својот планиран корпоративен буџет за предновогодишната забава да го пренаменат и да го инвестираат или донираат во угостителската индустрија или кај #МојотОмиленУгостител затоа што и тој #ЗаслужуваПоддршка.

Како што соопштија од НУК, во декември во поголемиот дел од угостителските објекти се организираат и до 40 корпоративни пладневни и вечерни забави. За организација на корпоративни и останати предновогодишни забави фирмите во Македонија трошат над 20 милиони евра планиран буџет кој оваа година во повеќе случаи ќе остане неискористен или ќе биде пренаменет за други работи.

„Ако Владата не сака и не може, тоа не значи дека нема начин како ние сите заедно да помогнеме во опстанокот на вашите омилени угостители. Денес македонскиот угостителски бизнис оставен на времето и сам на себе, навреден и деградиран, игнориран од државата и мерките за финансиска помош и поддршка од Владата, полека но сигурно ја губи битката со ковид-19. Сѐ повеќе угостители поради несоодветните и рестриктивни мерки на Владата за ограничување на работното време и посебните услови и протоколи за работа донесени по предлог на Комисијата за заразни болести последните месеци не остваруваат доволно приходи, поради што генерираат енормни загуби и веќе не ја гледаат својата иднина во овој бизнис. Оставени сами на милост и немилост без конкретна и директна помош и поддршка што Владата можеше изминатите месеци да ја направи за нив, го чекаат денот кога ќе бидат доведени пред колапс и приморани трајно да ги затворат своите локали и да се откажат од своето минато, својот труд и својата иднина“, се наведува во писмената изјава на Здравко Јосифовски, претседател на НУК.

Како што вели тој, за да не дозволат да изгубат ниту еден угостителски објект плус, оваа година Независната угостителска комора започнува кампања #ИнвестирамЗаДаПомогнам за инвестиции и поддршка на угостителската индустрија.

„На прагот сме на декември, месец кога нема фирма која држи до себе, a нема направено предновогодишна прослава и забава за своите вработени и за своите најверни клиенти. Тоа е месецот кога се бараат врски и ургенции да се резервира невреме омилениот угостителски објект, кога се бара врска за влез и место плус за уште еден гостин.  Оваа година, поради пандемијата ковид-19 омилените новогодишни забави ќе ги нема. Ќе го нема жагорот, насмевките, играњата, пијанствата и забавата. За жал на многу ваши омилени локали исто така им се заканува опасност од трајно затворање. Но тоа не значи дека не постои можност и начин јавно да ги поддржите и да им помогнете на омилените угостителски објекти да опстанат оваа зима и со насмевка, харизма и позитивна енергија Ве дочекаат наредната пролет“, истакнува Јосифовски.

Од НУК очекуваат безмалку сите финансиските институции банки и осигурителни компании, телеком друштвата, фирмите од фармацевтската индустрија, друштвата кои тргуваат со електрична енергија, производителите и добавувачите на храна и пијалоци и сите останати кои оваа година ќе остварат добивки со планираните средства за предновогодишната прослава и забава да се приклучат кон кампањата и ги инвестираат или донираат во целост буџетите за предновогодишните прослави за опстанок на угостителската индустрија и омилениот угостител. Ги покануваат и сите останати фирми и индивидуалци кои можат и сакаат да се приклучат кон кампањата #ИнвестирамЗаДаПомогнам на #МојотОмиленУгостител и опстанокот на угостителската индустрија.

Засега СДСМ и ВМРО-ДПМНЕ и нивните заеднички алтер-фабрикати не даваат впечаток дека го разбираат новосоздадениот замаец.

повеќе

Западен Балкан оди во насока на целосна контрола на државните институции во служба на политичките елити. Не е чудо што граѓаните имаат ниска доверба во овие институции.

повеќе

Граѓаните се преморени од бескрајните, приказни на предавници и патриоти, тирански платформи, договори со Грција, Бугарија, рекети, пописи, тендери,

повеќе