Ново мултифункционално возило на „Брако“ - косилка, чистач на снег, плажа, улици...

По лансирањето на револуционерното водородно возило за одржување хигиена во урбани средини GM500H2, „Брако“ продолжува со иновации. Најновиот член во семејството на „зелените машини“ е мултифункционалното возило GM200ze, неверојатен носач на алат на две тркала, кој може да биде и косилка, и машина за чистење снег, за чистење плажа, за одржување хигиена во урбани средини, дури и плуг, машина за дување лисја и сè што корисникот може да замисли.

Станува збор за мала, компактна машина, комплетно електрично возило со етикетата на „Грин машинс“ (Green Machines), кое работи со нула емисии на штетни гасови, нула вибрации и нула врева. Во предниот дел има универзален адаптер, кој овозможува поврзување со сите типови приклучоци на електрични алатки што постојат на светскиот пазар. Со ваквите неверојатни перформанси и можности, може да се користи 24/7, цела година, и на студените нордиски температури и на жешката клима на Бахамите.

GM200ze може да се користи и на отворен и во затворен простор. Погодно е за паркинзи, градини, магацини, плоштади, трговски центри, забавни паркови, туристички комплекси...

„Со години „Брако“ се стреми да придонесе за значително почиста средина, улици и градови. Потврда за тоа е нашето скорешно целосно преминување на зелена енергија, без користење на фосилни горива, со нула загадување. Што се однесува, пак, на „Грин машинс“, екологијата е вградена во мисијата на оваа наша компанија и сите возила што се дизајнираат, произведуваат и се извезуваат од овие погони се карактеризираат со напредни, високотехнолошки перформанси, еколошки и софистицирани“, вели Иле Атанасов, директор во „Брако“.

Освен со различни приклучоци, GM200ze може да се персонализира и со цела палета батерии, кои овозможуваат користење на возилото еден цел ден или повеќе денови во низа. Исто така, може да се користи како огромен извор на енергија за други е-алатки. Дефинитивно, тоа е машина создадена за сите што се грижат за животната средина, велат од „Брако“.

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе