ОПШТИНА ИЛИНДЕН

Нова домашна фабрика за кроасани, инвестиција вредна 6,5 милиони евра

„Гранд фуд корпорејшн" е новата компанија која денеска отвори фабрика за производство на кроасани. Инвестицијата од 6,5 милиони евра е реализирана во општина Илинден.

На отворањето на новата фабрика присуствуваа вицепремиерот и министер за финансии Зоран Ставрески и градоначалникот на Општина Илинден Жика Стојановски.

Вицепремиерот Ставрески на отворањето истакна дека целта и на централната и на локалната власт е да даде поддршка на вакви успешни бизниси и посочи дека Владата работи на создавање поволна бизнис клима.

Во новата фабрика работат 90 технолози, инженери, економисти и други кадри од најразлични профили лица, а според вицепремиерот ваквите семејни бизниси се креатори на најголем број нови работни места.

Градоначалникот Стојановски истакна дека ова е една од најголемите инвестиции во општина Илинден која како и другите придонесува за локален економски развој и за нови работни места.

Сопственикот и основачот на „Гранд експорт“ од Скопје Стојмен Јордановски истакна дека почетоците на оваа успешна семејна приказна почнуваат пред 25 години и изрази задоволство што нивната визија станала реалност.

Главниот извршен директор на „Гранд фуд корпорејшн“ Горан Јордановски истакна дека станува збор за комплетно сопствена инвестиција и дека според инсталираниот капацитет е најголема фабрика за производство на кроасани во овој дел на Европа.

Фабриката се простира на површина од 6.000 метри квадратни, вградена е современа технологија, а производството ќе биде наменето за македонскиот пазар, соседните земји и ЕУ.

Компанијата „Гранд експорт“ како продажно дистрибутивна компанија на македонскиот пазар е присутна од почетокот на 1992 година.

Фабриката е изградена од најсовремени материјали што денес се употребуваат во градежништвото. Проектирана е со развојни параметри за брз пораст на производството.

Производствениот комплекс ги исполнува сите еколошки стандарди и стандарди за енергетска штедливост пропишани со македонското и законодавството на Европската Унија.

Во фабриката за кроасани се инсталирани машини, опрема и технологија од најновата генерација што се користат во прехранбената индустрија во Западна Европа. Нивни производители се познати компании од Германија, Италија, Австрија и Швајцарија. Целокупниот процес на производство е автоматизиран.

Во производството се користат рецептури и суровини од најреномирани добавувачи од европските земји со најдолга традиција во производството на кроасани.

Во фабриката е имплементиран и сертифициран ХАСАП системот за безбедна храна. При крај е имплементацијата и сертификацијата и на ИСО 22000. Планирано е воведување и на системот на ИФС стандарди.

Концептот е насочен кон креирање на оптимален даночен систем, кој ќе го поддржи економскиот раст, а со тоа и животниот стандард на нашите граѓани.

 

повеќе

Иако е важно да бараме решенија за нашата заедничка историја и да се обидеме да ги разликуваме фактите од пропагандата, зарем не е исто така важно да научиме да живееме заедно и покрај нашите различни и силно политизирани гледишта?

повеќе

Нашето општество е социјално неправедно, а социјалната неправда е, и ќе биде погубна.

повеќе