Прес-конференција на Алијанса за Албанците

Незири: Со економските мерки Владата само ги залажува граѓаните

„Ја повикуваме Владата таксативно да ги прифати нашите предлози, акцизата на бензините од 22 денари да се намали на 15 денари, додека на дизелот од 15 до 9 денари. Оваа сума треба да биде фиксна и не треба да зависи од движењата на берзата. Предлагаме да се намали ДДВ од 18 на 5 отсто, а не на 10 отсто како што предлага Владата. Исто така, вредноста на ДДВ-то треба да се замрзне максимално во цената од 28 февруари, што значи да не се смета за новите поскапувања кои би можеле да дојдат од берзата“, изјави Андан Незири од Алијанса за Албанците.

Шокантното поскапување на нафтените деривати уште еднаш докажа дека одлуката на Владата е само обид за измама на граѓаните и без никаков олеснителен ефект врз домаќинствата, рече Незири и додаде дека Владата го послушала предлогот на неговата партија за намалување на акцизата и ДДВ-то, но не и дека не го прифатила целосно тоа што било предложено. Затоа, нагласи, денеска имаме ефект на драстични поскапувања.

„Секој друг експеримент сериозно ќе им наштети на граѓаните и ќе има влијание и на цените на другите производи. Ќе биде бескорисно да се укине ДДВ за прехранбените производи, ако транспортот и енергијата поскапат за производителите, нагласи пратеникот на Алијанса за Албанците Аднан Незири.